LAVI AN KRÉTJEN

Ès ou paré pou sianka ni an kriz ékonomik ?

Sa pa ka siwprann nou ki akòz di sa ka fèt adan monn-lan, ni gwo pwoblèm ékonomik. Poutji sa ? Pas nou ka viv sé dènié adan sé dènié jou-a, é anplis di sa Labib-la té ja di nou pa mété lèspwa-nou adan « richès ki pé disparèt » (1Tm 6:17 ; 2Tm 3:1). Ki ègzanp wa Jozafat ka kité ba nou pou nou paré kònou sianka ni an kriz ?

Jozafat fè Jéova konfians, lè péyi lennmi minasé’y (2Kw 20:9-12). I pran douvan pou préparé pèp-la lè’y pran plis dispozision pou pwotéjé sé vil-la épi lè’y mété pliziè gwoup sòlda adan péyi-a (2Kw 17:1, 2, 12, 13). Menm manniè ki Jozafat, sa bon fè Jéova konfians, épi préparé kònou pou sé tan rèd la ka vini.

KI MANNIÈ OU PÉ PARÉ KÒW POU SIANKA NI AN KRIZ ÉKONOMIK ?

Paré kòw èspiritièlman : Aprann fè épi sa ou ni épi ranfòsé konfians-ou Jéova kèy pé ba’w sa’w bizwen touléjou (Mt 6:26 ; 1Tm 6:8). Pran désizion pa janmen dérèspèkté sé prensip Labib-la pou ni sé bagay-tala (Wm 2:21). Katjilé asou manniè ou pé ni an Bib épi piblikasion sianka pa ni limiè oben Entèrnèt ankò. Chwazi piblikasion papié ou pé mété asou koté, épi si’w pé, téléchajé piblikasion asou Entèrnèt alavans.

Paré kòw matérièlman : Fè manniè pou ranbousé lajan ou ka dwé, épi arété achté bagay ou pa bizwen avan pwoblèm ékonomik rivé (Pw 22:7). Si’w pé, mété asé manjé asou koté, épi dòt bagay ankò ou pé ni bizwen. Pou fè ékonomi, i ni ki pé touvé sé an bon lidé fè an ti jaden.

GADÉ VIDÉWO-A ÈS OU PARÉ POU SIANKA..., APRÉ RÉPONN SÉ KÈSION-TALA :

Zimaj-la sòti adan vidéwo-a « Ès ou paré pou sianka... » Désen ka montré an bib, an sak soukou èk an pòwtab épi moun ka fè travo.

Kisa nou pé fè pou paré kònou pou sianka ni an katastwòf ?

Répons-ou

Zimaj-la sòti adan vidéwo-a « Ès ou paré pou sianka... » Frè ka partisipé adan an opérasion soukou : i ni ka fè travo konstriksion, épi dòt ka tiré matério adan an kanmiyon.

Ki manniè nou pé paré kònou pou endé lézòt ?

Répons-ou