LAVI AN KRÉTJEN

Endé moun ki pa ni rèlijion konnèt Kréyatè-yo

Ès sa ja rivé’w pa préché ba an moun ki pa ni rèlijion, pas ou ka di kòw i pé ké kouté’w ? Si sa ja rivé’w, sonjé, anpil moun ki pa té ni rèlijion, ouben ki pa té ka kwè an Bondié, vini Témwen Jéova. Souvantman, tousa yo té bizwen, sé té an pal pou ègzaminé prèv nou ni Bondié ka ègzisté (Wm 1:20 ; 10:14).

GADÉ VIDÉWO-A MOUN KI PA KA SÈVI JÉOVA PÉ RIVÉ NI LAFWA ! : MOUN KI PA NI RÈLIJION, APRÉ RÉPONN KÈSION-TALA :

Koumanniè témwayaj Tommaso ka ankourajé’w préché ba moun ki pa ni rèlijion épi anpil chalè ?

Répons- ou

Koumanniè pou fè sa

Si an moun ka di’w i pa ka kwè an Bondié, rété janti épi’y, palé ba’y épi dousè, é montré ou ka entérésé kòw vréman a sa i ka pansé èk risanti (2Tm 2:24). Palé di bagay ki pé entérésé’y. Ès i dakò pou palé anlè prèv ki mennen anlo moun kwè i ni an Kréyatè ? Atjèlman sé bwochi-a La vie a-t-elle été créée ? épi Cinq questions à se poser sur l’origine de la vie adan bwèt-zouti nou pou ansénié pou sa pli fasil touvé yo.

Pétèt pou koumansé, ou kèy pè palé di vérité-a ba an moun ki pa ka kwè an Bondié. É si ou té ka mandé an pwoklamatè ki filé endé’w ? Épi sonjé, Jéova pé touché tjè moun ki ni « mantalité-a ki fo », menm si avan yo pa té ka kwè Bondié ka ègzisté (Ak 13:48).