19-25 FÉVRIYÉ
SÒM 8-10
Kantik 2 épi lapriyè | Pawòl pou koumansé (1 min)
1. « Man lé louwé’w, o Jéova » !
(10 min)
Jéova bon toubannman épi nou (Sm 8:3-6 ; w21.08-F 3 § 6).
Nou ka louwé Jéova lè nou ka di tout moun bèl bagay i fè, é sa ka ba nou tjè-kontan (Sm 9:1 ; w20.05-F 23 § 10).
An lòt manniè nou ka louwé Jéova, sé lè nou ka chanté wo épi fò sé kantik-la (Sm 9:2; w22.04-F 7 § 13).
MANDÉ KÒW : « Ki dòt manniè ankò nou pé louwé Jéova ? »
2. Trézò èspiritièl
(10 min)
Sm 8:3 : Lè matjè Sòm-lan ka palé di dwèt Bondié, kisa i lé di ? (it-1-F 663).
Ki trézò èspiritièl ou touvé adan lèkti Labib-la simenn-tala ?
3. Lèkti Labib-la
(4 min) Sm 10:1-18 (th lison 11).
4. Koumansé an ti-kozé
(3 min) KAY AN KAY. Moun-lan ka di’w i pa ka kwè an Bondié (lmd lison 5 pwen 4).
5. Kontinié an ti-kozé
(4 min) PRÉDIKASION A LOKAZION. Dènié fwa-a, moun-lan di’w i pa ka kwè an Bondié, men i dakò pou ou ba’y prèv ki ka montré i ni an Kréyatè (th lison 7).
6. Diskou
(5 min) w21.06-F 6-7 § 15-18. Tèm : Annou endé sé étidian-an louwé Jéova (th lison 10).
Kantik 10
7. Ki manniè nou pé rété natirèl lè nou ka préché a lokazion
(10 min). Diskision.
An manniè pou louwé Jéova plis, sé préché ba moun nou ka jwenn lè nou ka fè ti-zafè nou touléjou (Sm 35:28). Prèmié fwa-a, pétèt nou kèy pè. Men si nou ka aprann, ki manniè pou koumansé épi kontinié an kozé an manniè ki natirèl, nou kèy vini filé épi nou kèy pran plézi fè sa !
Gadé VIDÉWO-a Paré kònou pou préché « bon nouvèl lapé-a » : Koumansé bokantaj-pawòl. Apré mandé :
Kisa ou aprann adan vidéwo-tala ki pé endé’w vini pli filé lè’w ka préché a lokazion ?
Mi yonn-dé ti-konsèy ki pé endé’w koumansé an ti-kozé :
Dépi ou ka sòti lakay-ou, chèché lokazion koumansé bokantaj-pawòl. Prédié pou sa. Mandé Jéova endé’w jwenn moun ki paré pou kouté.
Palé jantiman épi montré moun-lan ou ka kouté’y pou bon. Éséyé aprann an bagay anlè’y ki kèy endé’w touvé an Bib-la an vérité ki pé touché’y.
Gadé si ou ka touvé an lokazion pou mandé’y niméwo téléfòn-li.
Pa dékourajé si’w pa rivé ba témwayaj-la avan zòt fini palé.
Pa bliyé moun-lan. Vréyé ba’y pa ègzanp an vèsé oben lien an awtik asou jw.org, pou fè’y sav ou ka sonjé’y.
Éséyé sa : Si an moun ka mandé’w : « Ou pasé an bon wikenn ? », di’y an bagay ou ritjenn adan réyinion-an oben ki pasé pandan ou té ka étidié Labib épi an moun.
8. Sa lasanblé-a bizwen
(5 min)
9. Létid biblik lasanblé-a
(30 min) bt chap. 6 § 1-8 épi prèmié pawòl mòso 2-a