26 FÉVRIYÉ – 3 MAWS
SÒM 11-15
Kantik 139 épi lapriyè | Pawòl pou koumansé (1 min)
1. Annou imajinen kònou ka viv adan lapé, adan monn-lan nou ka atann
(10 min)
Sé dézòd adan lasosiété ki lakòz laviolans nou ka wè jòdi-jou (Sm 11:2, 3 ; w06-F 15/5 18 § 3).
Nou pé asiré, talè, Jéova ké fè tout violans-tala disparèt (Sm 11:5 ; wp16.4-F 11).
Katjilé anlè rékonpans Jéova pwonmèt nou ka endé nou atann épi pasians délivrans-nou (Sm 13:5, 6 ; w17.08-F 6 § 15).
ÉSÉYÉ SA : Li Ézékièl 34:25, épi pran an moman pou imajinen ou an koté ki ni lapé, kon vèsé-a ka di (kr-F 236 § 16).
2. Trézò èspiritièl
(10 min)
Sm 14:1 : Ki manniè mantalité-a yo ka palé adan vèsé-tala pé vini an zatrap menm ba sé krétjen-an ? (w13-F 15/9 19 § 12).
Ki trézò èspiritièl ou touvé adan lèkti Labib-la simenn-tala ?
3. Lèkti Labib-la
(4 min) Sm 13:1 – 14:7 (th lison 2).
4. Koumansé an ti-kozé
(2 min) PRÉDIKASION A LOKAZION. Ou ka envité an moun o Mémoriyal (lmd lison 5 pwen 3).
5. Koumansé an ti-kozé
(1 min) KAY AN KAY. Ou ka envité an moun o Mémoriyal (lmd lison 3 pwen 4).
6. Koumansé an ti-kozé
(3 min) KAY AN KAY. Ou ka envité an moun o Mémoriyal é i entérésé (lmd lison 7 pwen 4).
7. Fè an létid biblik
(5 min) lff lison 13 « Sa’w aprann », « An ti viré gadé », épi « Sa man pou fè ». Sèvi an awtik adan ribrik-la « Tibren plis ankò » pou endé étidian-an konprann manniè Bondié ka wè sé fo rèlijion-an (th lison 12).
Kantik 8
8. « Simié lasajès pasé zam pou ladjè »
(10 min). Diskision.
Toupatou asou latè, laviolans ka wosé. Jéova sav lè nou ka wè ouben lè nou ka sibi laviolans, sa pé ba nou anlo èstrès. I ka konprann nou bizwen pwotéjé kònou. An bagay i ka sèvi pou pwotéjé nou, sé Pawòl-li, Labib (Sm 12:5-7).
Adan Labib-la, i ni an sajès ki méyè « pasé zam pou ladjè » (Ék 9:18). Katjilé anlè manniè sé prensip-tala pé endé nou pwotéjé kònou kont laviolans.
Ék 4:9, 10 : Fè an manniè pou pa touvé kòw tou sèl adan sitiyasion oben koté ki danjéré.
Pw 22:3 : Lè’w ka touvé kòw an koté ki ni anlo moun, toujou gadé sa ki ka pasé alantou’w.
Pw 26:17 : Pa mélé adan kankan ki pa ta’w.
Pw 17:14 : Si’w ka santi an goumen kèy pété, pran kouri. Rété lwen tout wélélé.
Lk 12:15 : Pa jenmen mété lavi’w an danjé pou pwotéjé sa ou ni.
Gadé VIDÉWO-a Sé nonm ki ni lafwa fòk imité, pa nonm ki pa ni lafwa : Énòk, é pa Lamèk. Apré mandé :
Lè papa-tala té lé pwotéjé fanmiy-li kont laviolans, ki manniè lègzanp Énòk aji anlè désizion’y épi konpòwtasion’y ? (Éb 11:5).
I ni dé sitiyasion éti an krétjen kèy lé pran dispozision ki rézonnab pou défann kòy, oben bagay-li. Si janmen sa rivé, i kèy fè tousa i pé pou i pa tjwé pèsonn, pou i pa vini an asasen (Sm 51:14 ; gadé « Questions des lecteurs » adan La Tour de Garde juiyé 2017).
9. Sanmdi 2 maws, nou kèy koumansé envité moun pou Mémoriyal-la
(5 min) An ansien kay fè diskou-tala. Di ki dispozision yo pran pou kanpàn-lan, diskou èspésial-la, épi Mémoriyal-la. Viré di ki pou mwa maws épi avril, sé pwoklamatè-a kèy pé pran sèvis pionié òksiliè a pou 15 lè.
10. Létid biblik lasanblé-a
(30 min) bt chap. 6 § 9-17