15-21 SÈPTANM

PWOVÈB 31

Kantik 135 épi lapriyè | Pawòl pou koumansé (1 min)

TRÉZÒ PAWÒL BONDIÉ

An manman ka fè an bèl ti kozé épi tifi’y li pandan yo asiz asou kanapé-a.

1. Kisa nou pé aprann asou konsèy plen lanmou an manman ka ba yich-li

(10 min)

Annou ansénié timanmay-nou manniè Jéova ka konsidéré lasèksialité épi mariyaj-la (Pw 31:3, 10 ; w11-F 1/2 19 § 7-8).

Annou endé timanmay-nou konsidéré alkòl-la menm manniè ki Jéova (Pw 31:4-6 ; ijwhf-F awtik 4 § 11-13).

Annou ansénié timanmay-nou endé lézòt menm manniè ki Jéova (Pw 31:8, 9 ; g17.6-F 9 § 5).

2. Trézò èspiritièl

(10 min)

Pw 31:10-31 : Kisa ki té ka endé sé Izrayélit-la ritjenn vèsé ki té adan sé Lékriti-a an lang Ébré ? (w92-F 1/11 11 § 7-8).

Répons-ou
Ki trézò èspiritièl ou touvé adan lèkti Labib-la simenn-tala ?

Répons-ou

3. Lèkti Labib-la

(4 min) Pw 31:10-31 (th lison 10)

VINI PLI FILÉ ADAN MINISTÈ-A

4. Koumansé an ti-kozé

(3 min) TÉMWAYAJ LÈ’W NI LOKAZION. Koumansé an ti-kozé épi an moun ki fini palé ouben aji épi jantiyès (lmd lison 5 pwen 3).

5. Koumansé an ti-kozé

(4 min) KAY AN KAY. Partajé an « Vérité biblik ki fasil a ansénié » ou pran adan apendis A bwochi-a Fè disip épi lanmou (lmd lison 1 pwen 4).

6. Kontinié an ti-kozé

(5 min) KAY AN KAY. Envité an moun ki asèpté Tou di Gad n^o 1 2025 vini kouté diskou èspésial la ki ka rivé (lmd lison 7 pwen 4).

LAVI AN KRÉTJEN

Kantik 121

7. Endé timanmay-zòt sèvi aparèy élèktwonik épi sajès

(8 min). Diskision.

Ès ou ja pran tan gadé an timanmay ki ka sèvi an pòwtab ouben an tablèt ? Ba sé timanmay-la, sa sé ti afè ! Yo pa bizwen pèsonn pou aprann sèvi sé aparèy-tala. Sèlman, yo toujou ni bizwen an pal pou aprann sèvi yo épi sajès. Alò, ki manniè sé paran-an pé aprann timanmay-yo sèvi sé aparèy élèktwonik la épi sajès ?

Zimaj vidéwo-a « Bien sèvi tan-an ou ni ». Sofia kouché asou plaj-la, i adan tablèt-li kifè i pa ka menm wè an dofen ki ka jwé épi an ti boul, tou pré, adan dlo-a.

Gadé VIDÉWO-a Bien sèvi tan-an ou ni. Apré mandé :

Poutji sé an bon bagay véyé konben tan nou ka pasé asou aparèy élèktwonik ?

Répons-ou
Pou ki dòt bagay nou bizwen pran tan ?

Répons-ou

Lè zòt ka mété règ ba fanmi-zòt, apiyé kòzòt asou prensip Labib-la olié zòt fè kon lézòt (Gl 6:5). Pa ègzanp, mandé kòzòt :

Ès timanmay-mwen ja montré i pé pran bon désizion ? Ès i ja montré mwen i sa métrizé kòy lè i ka sèvi aparèy-mwen an ? Ès i ja paré pou ni ta’y ? (1Ko 9:25).
Ès man pé kité’y sèvi an aparèy élèktwonik lè i tou sèl ? (Pw 18:1).
Asou ki aplikasion épi ki sit Entèrnèt man ké kité’y alé, é asou kilès man ké défann li alé ? (Éf 5:3-5 ; Fl 4:8, 9).
Konben tan man pé kité’y asou aparèy élèktwonik adan an jounen, pou i ni asé tan pou i fè dòt bagay agréyab épi enpòwtan ? (Ék 3:1).