20-26 ÒKTÒB
ÉKLÉZIAS 9-10
Kantik 30 épi lapriyè | Pawòl pou koumansé (1 min)
1. Ki manniè pou wè sé léprèv-la nou ka jwenn
(10 min)
Lè nou ni pwoblèm, nou sav sa pa lé di Jéova pa kontan nou (Ék 9:11 ; w13-F 15/8 14 § 20-21).
Nou sav nou ké sibi lenjistis adan monn Satan-an (Ék 10:7 ; w19.09-F 4 § 10).
Menm lè nou anba léprèv, fòk nou pran tan aprésié sé kado-a Jéova ka ba nou (Ék 9:7, 10 ; w11-F 15/10 8 § 1-2).
2. Trézò èspiritièl
(10 min)
Ék 10:12-14 : Ki avètisman sé vèsé-tala ka ba asou milan ? (it-F « Bavardage, calomnie » § 4, 8).
Ki trézò èspiritièl ou touvé adan lèkti Labib-la simenn-tala ?
3. Lèkti Labib-la
(4 min) Ék 10:1-20 (th lison 11).
4. Koumansé an ti-kozé
(3 min) TÉMWAYAJ PIBLIK. Koumansé an ti-kozé épi an moun ki ka sanm tris (lmd lison 3 pwen 4).
5. Koumansé an ti-kozé
(4 min) TÉMWAYAJ LÈ’W NI LOKAZION. Palé di an vérité biblik épi an moun ki ka di’w i entjèt pas i ni pwoblèm lajan. Partajé épi’y an « Vérité biblik ki fasil a ansénié » ou pran adan apendis A bwochi-a Fè disip épi lanmou (lmd lison 4 pwen 4).
6. Fè an létid biblik
(5 min) lff lison 17 « Sa’w aprann », « An ti viré gadé » épi « Sa man pou fè » (lmd lison 12 pwen 3).
Kantik 47
7. Jéova ké endé’w lè léprèv-la ké malmennen’w
(15 min). Diskision.
Nou ka jwenn tout kalté pwoblèm chak jou. Men délè, ni dé léprèv ki ka anni tonbé blip anlè nou. É sé léprèv-tala sitèlman rèd, ki nou pa sav sa pou fè, é nou ka mandé kònou si nou ké rivé tjenbé. Alò, ki manniè nou pé rivé tjenbé rèd lè léprèv-la ka malmennen nou ?
Kisiswa léprèv-la nou ka jwenn, Jéova ka ‘endé nou gadé létjilib-nou’ (Iz 33:6). Pou Jéova endé nou, fòk nou rété rézonnab épi modès (Pw 11:2). Si an gwo malè ka rivé nou, nou bizwen tan pou pran désizion ki saj, pou pran swen di pwòp kònou épi di pwòch-nou, épi pou pléré é fè dèy-nou (Ék 4:6).
Fòk nou paré pou asèpté ouben pou mandé frè é sè-nou an pal, pas nou sav Jéova ka itilizé adoratè’y pou yonn ankourajé lòt. Sonjé sé frè é sè’w la enmen’w épi tout tjè-yo, é yo ké kontan toubannman ni lokazion ba’w an pal.
Li 2 Korentjen 4:7-9. Apré mandé :
Poutji fodré nou fè tousa nou pé pou kontinié alé réyinion, li Labib épi préché, menm lè sa ka vini rèd ba nou ?
Gadé VIDÉWO-a « Jéova ka rété tou pré moun tjè-yo krazé ». Apré mandé :
Ki manniè Jéova endé frè é sè Septer ?
Ki manniè sé frè é sè-a endé yo ?
Kisa zòt pé aprann ankò gras a lègzanp-yo ?
8. Létid biblik lasanblé-a
(30 min) lfb istwa 28, prèmié pawòl mòso 6-la épi istwa 29.