13-19 ÒKTÒB
ÉKLÉZIAS 7-8
Kantik 39 épi lapriyè | Pawòl pou koumansé (1 min)
1. « Annou alé adan kay-la ki ni dèy »
(10 min).
Annou pran tan dousi tjè sé moun-lan ki andéyé (Ék 7:2 ; it-F « Deuil » § 9).
Annou palé di kalité moun-lan ki mò, pou konsolé sé andéyé-a (Ék 7:1 ; w19.06-F 24 § 15).
Annou prédié épi sé moun-lan ki andéyé (w17.07-F 16 § 16).
SONJÉ SA : Souvan, an moun ki andéyé bizwen ankourajman sé frè é sè-a lontan apré lanmò moun-lan i té enmen (w17.07-F 16 § 17-19).
2. Trézò èspiritièl
(10 min)
Ék 7:20-22 : Ki manniè sé vèsé-tala pé endé nou désidé si nou ké alé di an moun i fè nou lapenn ? (w23.03 31 § 18).
Ki trézò èspiritièl ou touvé adan lèkti Labib-la simenn-tala ?
3. Lèkti Labib-la
(4 min) Ék 8:1-13 (th lison 10).
4. Koumansé an ti-kozé
(2 min) TÉMWAYAJ PIBLIK. Chèché sav sa ki ka entérésé moun-lan épi pran dispozision pou kontinié ti-kozé a épi’y (lmd lison 2 pwen 4).
5. Koumansé an ti-kozé
(2 min) TÉMWAYAJ LÈ’W NI LOKAZION (lmd lison 2 pwen 3).
6. Kontinié an ti-kozé
(2 min) KAY AN KAY. Fè moun-lan konnèt sit Entèrnèt-nou an, jw.org (lmd lison 9 pwen 4).
7. Èsplitjé kwayans-ou
(5 min) Démonstraksion. ijwfq-F awtik 50. Tèm : Ki manniè lantèman an Témwen Jéova ka pasé ? (th lison 17).
Kantik 151
8. Travay pou rann lafwa’w adan larézirèksion pli solid
(15 min). Diskision.
Pwonmès larézirèksion, sé yonn adan sé pli bèl kado-a Jéova ba nou. I ka mété douvan pliziè kalité Jéova ni : puisans-li, sajès-li, mizérikòd-li épi tou èspésialman lanmou-a i ni ba nou chak la (Jn 3:16).
Lè nou ni an lafwa ki solid adan larézirèksion, sa ka endé nou maré zié-nou asou lèspérans-nou plito ki anlè léprèv nou ka jwenn (2Ko 4:16-18). Anplis, lèspérans-tala pé apézé tjè-nou, épi konsolé nou lè nou douvan pèsékision, maladi oben lanmò (1Ts 4:13). Nou pé pa konnèt vré bonè-a, si nou pa ni lafwa adan larézirèksion (1Ko 15:19). Alò, fiksé kòw lòbjèktif rann lafwa’w adan bèl lèspérans-tala pli solid.
Li Jan 11:21-24. Apré mandé :
Kisa ki ka montré lafwa Mawt adan larézirèksion té solid ?
Ki manniè Bondié rékonpansé lafwa Mawt ? (Jn 11:38-44).
Gadé VIDÉWO-a Imité fanm ki ni an gwo lafwa : Mawt. Apré mandé :
Poutji lèspérans larézirèksion sitèlman enpòwtan ba’w ?
Kisa ou pé fè pou lafwa’w adan larézirèksion rété solid ?
9. Létid biblik lasanblé-a
(30 min) lfb istwa 26-27.