23-29 MAWS
IZAYI 48-49
Kantik 89 épi lapriyè | Pawòl pou koumansé (1 min)
1. Aprann épi aplitjé sa Jéova ka ansénié
(10 min)
Jéova ka ansénié sèvitè’y (Iz 48:17 ; it-F « Enseignant, enseignement » § 2).
Fòk nou chwézi kouté Jéova (Iz 48:18a ; ijwbq-F awtik 44 § 2-3).
Alò, lapé-nou kèy vini « kon an flèv », é jistis-nou « kon vag lanmè » (Iz 48:18b ; lv-F 199 § 8).
DÉFINISION : Yo pé sèvi mo ébré a ki ba « lapé » pou palé di lè’w vidjò, lè’w ni an bon santé, lè’w ka santi kòw an sékirité é lè’w ni bon rilasion épi lézòt.
2. Trézò èspiritièl
(10 min)
Iz 49:8 : Ki manniè pwofési-tala réyalizé ? (it-F « Temps agréé » § 1-3).
Ki trézò èspiritièl ou touvé adan lèkti Labib-la simenn-tala ?
3. Lèkti Labib-la
(4 min) Iz 48:9-20 (th lison 11).
4. Koumansé an ti-kozé
(3 min) TÉMWAYAJ LÈ’W NI LOKAZION. Envité an moun lafanmi’w ki inaktif adan diskou èspésial la épi Mémoriyal-la (lmd lison 5 pwen 3).
5. Kontinié an ti-kozé
(4 min) TÉMWAYAJ LÈ’W NI LOKAZION. Moun-lan lé alé Mémoriyal, èsplitjé’y ki manniè sa ké pasé (lmd lison 9 pwen 3).
6. Kontinié an ti-kozé
(5 min) TÉMWAYAJ LÈ’W NI LOKAZION. Lè Mémoriyal-la fini, ou ka réponn kèsion an moun ki envité (lmd lison 8 pwen 3).
Kantik 107
7. Kisa ou pé fè pou pwofité di jou-a ki pli enpòwtan adan lannè-a
(15 min). Diskision.
Lè nou ka alé Mémoriyal chak lanné, nou ka obéyi Jézi é nou ka montré Jéova rikonésans-nou pou ranson-an (Lk 22:19). Sé osi an lokazion pou réfléchi asou manniè Jéova épi Yich-li enmen nou (Gl 2:20 ; 1Jn 4:9, 10). Ki manniè nou pé préparé kònou pou Mémoriyal-la épi pou montré Jéova rikonésans-nou pou ranson-an ? É ki manniè nou pé endé dòt moun fè sa tou ?
Li épi médité asou sé vèsé-a ki adan pwogram lèkti Labib-la pou Mémoriyal, chak jou.
Médité asou ranson-an é asou manniè ou pé viv pou montré rikonésans-ou pou bèl kado-tala.
Fè tousa ou pé pou envité sé moun-lan ou konnèt, moun lafanmi’w épi moun téritwè-a vini adan diskou èspésial la épi adan Mémoriyal-la.
Montré sé moun-lan ou kontan yo vini adan Mémoriyal-la, épi akéyi yo épi anpil jantiyès. Sa vré, fòk ou otjipé di sé moun-lan ki vini pas sé wou ki envité yo, men paré kòw tou pou endé sé moun-lan ki risivwè an envitasion pandan kanpàn-lan, é pwopozé yo asiz bò’w.
Paré kòw pou réponn kèsion sé moun-lan ki envité.
Fòk ou paré pou akéyi épi anpil chalè sé frè é sè-a ki inaktif. Sé ansien-an, èspésialman, ké paré pou akéyi sé moun-lan ki té Témwen Jéova avan.
Gadé VIDÉWO-a « Jézi vini chèché épi sové sa ki té pèdi ». Apré mandé :
Poutji sa enpòwtan montré sé inaktif-la ou kontan yo vini adan Mémoriyal-la ?
8. Létid biblik lasanblé-a
(30 min) lfb istwa 72-73.