Fè mannèv pou ni plis konfians adan pouvwa Jéova di sové nou

Li Nonb 13:25 – 14:4. Adan sé vèsé-tala nou ka wè manniè sé Izrayélit-la pa té ni konfians an Jéova.

Chèché sav adan ki kontèks sa rivé. Poutji sé Izrayélit-la té pou mété konfians-yo adan kapasité Jéova di sové yo ? (Sòm 78:12-16, 43-53). Poutji yo arété fè Jéova konfians ? (Dét. 1:26-28). Ki manniè Jozié épi Kalèb montré yo té ka fè Jéova konfians a san-pou-san ? (Nonb 14:6-9).

Fouyé pli fon. Kisa sé Izrayélit-la té pé fè pou ni plis konfians an Jéova ? (Sòm 9:10 ; 22:4 ; 78:11). Poutji sa nésésè nou ni rèspé ba Jéova pou nou pé fè’y konfians ? (Nonb 14:11).

Kisa ou pé aprann ? Mandé kòw :

• « Adan ki sitiyasion sa pé rèd ba mwen mété tout konfians-mwen an Jéova ? »

• « Kisa man pé fè pou rann konfians-mwen an Jéova pli fò dépi jòdi-a épi dèmen osi ? »

• « Poutji fòk pa man pè gran tribilasion-an ? » (Lik 21:25-28).