Ki manniè ou ka wè dèmen ?

MI SA LABIB KA DI

« Bondié [...] kay suiyé tout dlo an zié yo, pé ké ni lanmò, pé ké ni dey, pé ké ni kri épi pé ké ni doulè. Tout vié bagay ké disparet. » (Révélasion 21:3, 4, La Bible. Traduction du monde nouveau).

SA LÉ DI

Pwonmes tala kay ba’w an lespwa :

an travay ki ka fè’w plézi épi ou enmen (Izayi 65:21-23),

an lavi san maladi ni piès soufwans (Izayi 25:8 ; 33:24),

an bonè ki pa ka fini épi fanmi’w épi zanmi’w (Sòm 37:11, 29).

ES NOU PÉ KWÈ SA LABIB KA DI ?

Wi, déja pou dé rézon :

• Bondié pé tjenbé tout pwonmes li. Adan Bibla, sé Jéova li yonn yo ka krié « Toupuisan », paskè fos li pa ka fini (Révélasion 15:3). I kapab tjenbé tout sé pwonmes li-a di chanjé monn tala. Kon Bibla ka di, « Bondié pé fè tout bagay » (Matié 19:26).

• Bondié lé tjenbé tout pwonmes li. Pa ekzanp, sa Jéova lé sé viré ba sé moun mò-a lavi (Jòb 14:14, 15).

  Anplis di sa, Labib ka di Jézi djéri moun malad pas sé sa i té lé, li osi (Mak 1:40, 41). Volonté Jézi di édé sé maléré-a, té kon ta papa’y (Jan 14:9).

  Sé pou sa, nou pé asiré Jéova épi Jézi lé édé nou konnet dé jou ki kay méyè ! (Sòm 72:12-14 ; 145:16 ; 2 Piè 3:9).