Wayom Bondié sé kisa ?

MI SA LABIB KA DI

« Bondié siel-la ké mété an wayom ki pé ké janmen disparet » (Dannièl 2:44, La Bible Traduction du monde nouveau).

« Yich Bondié vini ek gouvènman-an kay anlè zépol li » (Izayi 9:6, Bible de Darby).

SA LÉ DI

Sé pwonmes tala ka asiré’w kè :

• ni an gouvènman jis ki pé pwotjiré’w anlo bénédision dépi aprézan (Izayi 48:17, 18),

• lavi épi an santé, an bonè bienkonmifo adan an monn nouvo ki tou pré (Révélasion 21:3, 4).

ES NOU PÉ KWÈ SA LABIB KA DI ?

Wi, déja pou dé rézon :

• Jézi montré sa wayom Bondié kay fè. Jézi aprann sé disip li-a prédié pou wayom Bondié vini, pou volonté Bondié fet anlè latè (Matié 6:9, 10). I montré koumanniè priyè tala kay ekzosé.

  Lè I té anlè latè, Jézi nouri moun ki pa té ni manjé, djéri moun malad épi riba moun mò lavi ! (Matié 15:29-38 ; Jan 11:38-44). Avan I koumansé dirijé wayom Bondié-a, Jézi ba an bel lidé anlè bénédision wayom-lan kay pòté ba lé-zòm (Révélasion 11:15).

• Kondision monn tala ka montré nou wayom Bondié ka vini. Jézi té di, jis avan wayom-lan mété lapé anlè latè, monn-lan té kay ni ladjè, moun té kay mò fen, épi anlo tranmanntè (Matié 24:3, 7).

  Sé malè tala nou ka wè yo jòdi-a. Asiré wayom Bondié kay vini toutalè pou fè tout pwoblem disparet.