LISON 1

Prèmié pawòl ki éfikas

Ak 17:22

KISA POU FÈ : Prèmié pawòl-ou pou lévé lentéré sé moun-lan, fè yo sav di kisa ou kay palé èk montré yo poutji sa’w ka di pou entérésé yo.

Lévé lentéré. Chwazi an kèsion, an mòso tèks, an bagay ki pasé oben an nouvèl kay entérésé sé moun-lan ki ka kouté’w.

Alavans, bien katjilé asou sa ki enpòtan an lèspri sé moun-lan, épi bien préparé prèmié pawòl-ou pou sa.
Fè sav di kisa ou kay palé. Asiré kòw dépi prèmié pawòl-ou, ki moun-lan bien sav di kisa ou kay palé èk poutji ou kay palé di sa.
Montré poutji sijé-a enpòtan. Lè’w ka palé, sonjé sa sé moun-lan ki ka kouté’w bizwen. Yo pou bien konprann sa’w ka di a pé vréman endé yo.

Lè’w ka préparé an diskou, mandé kòw : « Ki kalté bagay sé frè èk sè lasanblé mwen-an ka viv ? » Apré, sonjé palé di sa yo bizwen adan prèmié pawòl-ou.