Enfòmasion

AKÈY Sé moun sèvis akèy-la, la pou endé zòt. Zòt pé travay kantékant épi yo lè zòt ka kouté sa yo ka di pou zafè garé loto, alé vini anlè plas sanblé-a, tjenbé plas pou asiz ba dòt moun, èksétéra.

BAGAY TOUVÉ Tout bagay ki pèd zòt pé dépozé’y adan sèvis bagay touvé. Alé wè sèvis-tala si’w pèd an bagay. Sé adan sèvis-tala osi ou pé mennen an timanmay ki pèd. Men pou zòt pa pwotjiré pèsonn pwoblèm initil, jété zié anlè timanmay zòt épi tjenbé yo bò zòt.

BATENM Sòf si yo di an lòt bagay, sé chèz-la ki douvan podiòm-lan sé pou sé moun-lan ki kay pran batenm-lan. Sé moun-tala dwétèt asiz an plas yo sanmdi bonmaten avan diskou batenm-lan koumansé. Yo chak dwétèt ni an mayo ki asèptab épi an sèvièt.

CHÈZ Sonjé sé lézòt asistan-an. Nou ka mandé zòt tjenbé chèz sèlman ba pwòp fanmi zòt épi moun ki ka viv lakay zòt, ki ka vini lasanblé adan menm loto épi zòt oben moun ki ka étidié Labib épi zòt. Souplé pa mété ayen asou sé lézòt chèz-la.

OFWANN Koté sanblé-tala ni asé chèz, i ni aparey pou kouté épi gadé vidéwo épi an chay dòt sèvis ki ka endé nou vini pli pwé Jéova adan bon kondision. Tou sa ka riprézanté an patjé dépans. Sé ofwann-lan zòt ka ba di fondòk tjè zòt ka pèwmèt péyé sé dépans-tala, men osi ka soutni travay nou asou tout latè-a. Pou rann sa pli fasil, zòt kay wè i ni pliziè bwèt ofwann toupatou la nou ka sanblé-a. Zòt pé fè an don tou anlè entènèt asou donate.jw.org. Tout ofwann bien vini. Komité santral-la ka rimèsié zòt pou bèl pal-la zòt ka ba pou lentéré Wayom-lan.

PRÈMIÉ SOUKOU Tann bien, sèvis-tala ka otjipé kòy irjans sèlman.

VOLONTÈ Si zòt lé mété lanmen adan travay pou lasanblé-a bien pasé, alé wé sèvis ransèyman épi volontè.

RÉYINION ÈSPÉSIAL

Lékòl pou sé évanjélizatè Wayòm-lan Sé pionié-a ki ni 23 jiska 65 lanné ki té kay enmen fè plis adan sèvis yo envité pou kouté an réyinion ki ka enfòmé yo pou lékòl évanjélizatè Wayòm-lan dimanch aprémidi. Koté-a épi lè-a pou réyinion-tala kay anonsé.