Enfòwmasion

AKÈY Sé moun sèvis akèy-la, la pou endé zòt. Zòt pé travay kantékant épi yo lè zòt ka kouté sa yo ka di pou garé loto-zòt, alé-vini anlè plas sanblé-a, tjenbé plas pou asiz ba dòt moun, èksétéra.

BAGAY TOUVÉ Tout bagay ki pèd zòt pé dépozé’y adan sèvis bagay touvé. Alé wè sèvis-tala si zòt pèd an bagay. Si an timanmay pèd kòy, sé adan sèvis-tala osi zòt pé mennen’y. Men pou évité tout sitiyasion ki pé ba lentjétid, jété zié anlè timanmay-zòt épi tjenbé yo bò zòt.

BATENM Sòf si yo di an lòt bagay, sé chèz-la ki douvan podiòm-lan sé pou sé moun-lan ki kay pran batenm. Sé moun-tala dwétèt asiz an plas-yo sanmdi bonmaten avan diskou batenm-lan koumansé. Yo chak dwétèt ni an mayo ki asèptab épi an sèvièt.

CHÈZ Sonjé sé lézòt asistan-an. Nou ka mandé zòt tjenbé chèz sèlman ba pwòp fanmi-zòt épi moun ki ka viv lakay-zòt, ki ka vini lasanblé adan menm loto épi zòt oben moun ki ka étidié Labib épi zòt. Souplé pa mété ayen asou sé lézòt chèz-la.

OFWANN Adan sal lasanblé-tala, yo mété asé chèz ba tout moun, i ni aparèy pou kouté épi gadé vidéwo, épi anchay dòt sèvis ki ka endé nou vini pli pré Jéova adan bon kondision. Tousa ka riprézanté an patjé dépans. Sé ofwann-lan zòt ka ba épi tout tjè-zòt ka pèwmèt péyé sé dépans-tala, é yo ka pèwmèt soutni travay-nou asou tout latè osi. Pou rann sa pli fasil, i ni pliziè bwèt ofwann adan sal lasanblé-a. Men si sa posib, nou ka ankourajé zòt fè don asou entèrnèt anlè donate.jw.org. Nou kontan tout ofwann zòt ka fè. Komité santral-la ka di zòt an gran mèsi pou bèl pal-la zòt ka ba pou lentéré Wayòm-lan.

PRÈMIÉ SOUKOU Tanpri-souplé, pa bliyé ki sèvis-tala ka otjipé sèlman di zirjans.

VOLONTÈ Si zòt lé ba an lanmen adan tout aktivité ki nésésè pou lasanblé-a bien pasé, zòt pé alé wè sèvis ransèyman épi volontè.

Sé Komité santral sé Témwen Jéova-a ki ka òwganizé lasanblé-tala