Koumanniè rikonnèt sé vré krétjen-an ?

Milia moun ka déklaré yo krétjen. Men yo tout pa ni menm kwayans ni menm moralité. Alò, ki manniè rikonnèt sé vré krétjen-an ?

1. An krétjen sé kisa ?

Sé krétjen-an sé disip Jézikri (li Akt 11:26). Koumanniè yo ka montré yo ka suiv Jézi ? Jézi di : « Si zòt ka rété kolé anlè pawòl-mwen, zòt sé disip-mwen menm » (Jan 8:31). Sa lé di sé vré krétjen-an ka obéyi lansèyman Jézi. Jézi toujou ansénié sa Labib ka di, sé pou sa fondas kwayans sé vré krétjen-an sé Labib (li Lik 24:27).

2. Koumanniè sé vré krétjen-an ka montré yonn enmen lòt ?

Jézi di sé disip-li a : « Ni lanmou yonn pou lòt, menm manniè man té enmen zòt » (Jan 15:12). Koumanniè Jézi montré i enmen sé disip-li a ? Sé lè i ba yo adan tan’y, i ankourajé yo èk i endé yo. I jik asèpté mò ba yo (1 Jan 3:16). Menm manniè-a, sé vré krétjen-an pa ka jiskont palè di lanmou. Kivédi ou ka wè lanmou yo ni yonn pou lòt adan pawòl-yo épi aksion-yo.

3. Ki aktivité sé vré krétjen-an ka fè ?

Jézi ba sé disip-li a an mision. « I vréyé yo préché wayòm Bondié » (Lik 9:2). Sé prèmié krétjen-an pa té ka préché sèlman koté yo té ni labitid adoré Bondié, yo té ka préché tou kay-an-kay épi toupatou i té ni moun. (li Akt 5:42 épi 17:17). Jòdi-a tou, sé vré krétjen-an ka préché vérité Labib-la toupatou. Kon yo enmen tout moun, yo kontan sèvi tan-yo épi lafòs-yo pou fè konnèt lèspwa épi rékonfò Labib ka pòté. (Mak 12:31).

ANNOU PLI LWEN

4. Yo ka chèché lavérité adan Labib

Sé pa tout krétjen ki ka ba sé vérité Labib-la tout valè-yo. Gadé VIDÉWO-a épi diskité kèsion-an ka vini an.

VIDÉWO : Comment la chrétienté a-t-elle été corrompue ? (5:11)

• Kisa Légliz, swadizan krétjen, fè pou anpéché moun aprann sa Jézi ansénié ?

Jézi ansénié vérité ki adan Pawòl Bondié. Li Jan 18:37 épi diskité kèsion-tala :

• Dapré Jézi, ki manniè nou pé rikonnèt sé krétjen-an « ki pou lavérité » ?

5. Yo ka préché vérité ki adan Labib

Avan i viré an sièl-la, Jézi ba sé disip-li a an mision ki ka kontinié jòdi-a ankò. Li Matié 28:19, 20 épi Akt 1:8, épi diskité kèsion-tala :

• Konbien tan épi koté travay prédikasion-an té pou fèt ?

6. Yo ka pratitjé sa yo ka préché

Kisa ki konvenk an nonm yo ka kriyé Tom, i touvé sé vré krétjen-an ? Gadé VIDÉWO-a épi diskité sé kèsion-an ka vini an.

VIDÉWO : Man viré do ba larilijion (5:20)

• Kisa ki fè Tom rijété larilijion ?

• Poutji i asiré i touvé lavérité ?

Aksion ka konté plis ki pawòl. Li Matié 7:21 épi diskité kèsion-tala :

• Kisa ki pli enpòwtan ba Jézi : pawòl an bouch ouben sa nou ka fè ?

7. Yonn enmen lòt

Ès i ni krétjen ki ja mété lavi-yo an danjé pou moun ki menm rèlijion ki yo ? Gadé VIDÉWO-a épi diskité sé kèsion-an ka vini an.

VIDÉWO : I té paré pou ba lavi’y (2:55)

• Poutji Lloyd té paré ba lavi’y ba frè Johansson ?

• Ès zòt ka pansé i aji kon an vré krétjen ?

• Koumanniè disip Jézi (sé vré krétjen-an) ka konsidéré moun an lòt ras ouben an lòt péyi ?

• Lè i ni an ladjè, koumanniè sé vré krétjen-an ka fè épi yo ?

SA’W APRANN

Sé vré krétjen-an ka suiv lansèyman Labib-la, yonn enmen lòt poubon é yo ka préché sé vérité Labib-la.

An ti viré gadé

• Ki fondas kwayans sé vré krétjen-an ?

• Ki kalité nou ka touvé lakay sé vré krétjen-an ?

• Ki aktivité sé vré krétjen-an ka fè ?

TIBREN PLIS ANKÒ

An rilijion ka fè éfò pou suiv lègzanp èk lansèyman Jézi.

Témwen Jéova : Ki moun nou yé ? (1:13)

Ki manniè an madanm ki té masè touvé sa i kriyé « an vré fanmi èspiritièl » ?

« Ils ont utilisé la Bible pour répondre à toutes mes questions ! » (La Tour de Garde, 1^ié avril 2014)

Koumanniè sé vré krétjen-an ka montré lanmou ba frè é sè-yo ki bizwen soukou ?

Soukou apré an katastwòf (mòso) (3:57)

Jézi ba enfòwmasion ki té kay pèwmèt nou rikonnèt sé disip-li a. Koumanniè sé prèmié krétjen-an épi ta jòdi-a ka fè sa i mandé ?

« À quoi se reconnaît le christianisme authentique ? » (La Tour de Garde, 1^ié maws 2012)