LISON 23
Batenm-lan : an bèl lòbjèktif pou atenn !
Jézi ansénié ki tout disip-li pou pran batenm (li Matié 28:19, 20). Men pran batenm sé kisa ? Kisa an moun pou fè avan i batizé ?
1. Ki manniè pou batizé ?
Mo grèk-la pou « batizé » lé di « plonjé ». Lè Jan batizé Jézi, i plonjé’y adan dlo Jouden-an, apré Jézi « sòti an dlo-a » (Mak 1:9, 10). Kon Jézi, an vré krétjen pé di i batizé, lè tout kò’y plonjé adan dlo.
2. Kisa an moun ka montré lè i ka pran batenm ?
Lè an moun ka pran batenm, i ka montré i ka ba Jéova lavi’y. Koumanniè ou ka ba Jéova lavi’w ? Avan ou batizé, ou ka mété kòw tou sèl an koté pou prédié Jéova, pou di’y ou lé sèvi’y pou toujou. A moman-tala, ou ka pwonmèt li sé li sèl ou kèy adoré, épi fè volonté’y kèy vini bagay-la ki pli enpòwtan adan lavi’w. Ou ka pran désizion ‘mété pwòp kòw asou koté épi suiv tout lè’ lansèyman épi lègzanp Jézi (Matié 16:24). Lè an moun ka ba Bondié lavi’y épi ka pran batenm, i ka vini pli bon zanmi épi Jéova, épi osi, i ka vini pli bon zanmi épi moun ki ka adoré’y.
3. Kisa pou fè avan ou batizé ?
Avan ou batizé, fòk ou aprann konnèt Jéova épi fòk ou dévlopé an lafwa ki fò an li (li Ébré 11:6). Plis konésans-ou épi lafwa’w kèy vini gran, sé plis lanmou’w ba Jéova kèy vini gran tou. Apré, asiré, ou kèy anvi préché épi suiv koumandman’y adan lavi’w (2 Timoté 4:2 ; 1 Jan 5:3) É sa vré, lè an moun ka viv ‘an manniè ka onoré Jéova, pou Jéova kontan’y menm’ i ka ni lanvi ba Jéova lavi’y épi pran batenma (Kolosien 1:9, 10).
ANNOU PLI LWEN
Kisa nou ka aprann asou manniè Jézi batizé é ki manniè ou pé préparé kòw pou pran batenm.
4. Kisa batenm Jézi ka aprann nou
Li Matié 3:13-17 pou wè koumanniè batenm Jézi pasé. Apré diskité sé kèsion-tala :
Ès yo batizé Jézi lè i té ti-bébé ?
Koumanniè yo batizé Jézi ? Ès yo anni mété tibren dlo anlè tèt-li ?
An fwa i batizé, Jézi koumansé fè travay-la Bondié té ba’y la. Li Lik 3:21-23 épi Jan 6:38, épi diskité kèsion-tala :
Apré batenm-li, ki aktivité Jézi mété an prèmié adan lavi’y ?
5. Ou pé rivé pran batenm
O dépa, lidé-a di ba Bondié lavi’w épi pran batenm pé fè’w pè. Men piti a piti, ou kèy fè pwogré, épi an jou, ou kèy paré. Pou wè ki manniè yonn-dé moun réyisi pran désizion enpòwtan-tala, gadé VIDÉWO-a.
Li Jan 17:3 épi Jak 1:5, épi diskité kèsion-tala :
Koumanniè ou pé préparé kòw pou batizé ?
Lè ou ka ba Jéova lavi’w, ou ka di’y ou lé sèvi’y pou toujou.
Batenm-lan ka montré tout moun ou ba Bondié lavi’w.
6. Batenm-lan ka fè nou antré adan fanmi Jéova
Lè nou ka pran batenm, a moman-tala, nou ka fè pati di an fanmi ki ini asou tout latè. Kisiswa ras-nou, nou ni menm kwayans-lan, épi nou ka rèspèkté sé menm lwa moral-la. Li Sòm 25:14 épi 1 Piè 2:17, épi diskité kèsion-tala :
Apré i pran batenm, ki kalté rilasion moun-lan kèy ni, ki épi Jéova, ki épi moun ka adoré Jéova ?
NI MOUN KA DI : « Man poko paré pou pran batenm. »
Si, wou non pli, ou poko paré, ès ou ka pansé sé an bon lòbjèktif pou ni ?
SA’W APRANN
Jézi di ki tout disip-li pou pran batenm. Pou atenn lòbjèktif-tala, fòk moun-lan ni an lafwa ki fò an Jéova, fòk i suiv koumandman’y épi ba Jéova lavi’y.
An ti viré gadé
Ki manniè an moun pou batizé ? Poutji sa enpòwtan pran batenm ?
Ki liannaj ki ni ant ba Jéova lavi’w épi pran batenm ?
Kisa an moun pou fè avan i ba Bondié lavi’y épi pran batenm ?
TIBREN PLIS ANKÒ
Sa ou pé aprann ankò asou batenm-lan.
Yonn-dé konsèy itil pou rivé pran batenm.
« L’amour et la reconnaissance pour Jéhovah mènent au baptême » (La Tour de Garde, maws 2020)
Gadé sa ki endé an misié pran batenm.
« Ils voulaient que je découvre la vérité par moi-même » (La Tour de Garde, 1ié févriyé 2013)
Poutji pran batenm sé an bon lòbjèktif pou atenn ? Ki manniè ou pé paré kòw ?
a Si an moun ja pran batenm adan an lòt rèlijion, fòk i viré batizé. Poutji ? Pas rèlijion-an i té andidan’y lan, pa ka ansénié sé vérité Labib-la (gadé Akt 19:1-5 épi lison 13-la).