Chwazi sèvi Jéova

Si ou sé an jenn krétjen ouben an étidian Labib, ès ou ni lòbjèktif pran batenm ? Kisa ki pou ankourajé’w pran batenm ? Ba Jéova lavi-nou épi pran batenm ka fè nou rantré adan an rilasion èspésial épi Papa-nou ki an sièl (Sm 91:1). Anplis, batenm-lan ka sové nou (1 Pi 3:21). Alò, ki manniè kontinié vansé asou chimen batenm-lan ?

Fòk ou asiré sé lavérité. Lè ou ka pozé kòw kèsion, chèché sé répons-lan wou menm (Wm 12:2). Gadé wè ki chanjman ou pé fè épi fè yo, pas ou lé fè Jéova plézi (Pw 27:11 ; Éf 4:23, 24). Priyé Jéova toulong pou i endé’w. Fòk ou asiré i kay rann ou pli fò é i kay ba’w lanmen pa mwayen lèspri sen’y ki puisan (1 Pi 5:10, 11). Sa vo lapenn di fè tout sé éfò-tala, pas sèvi Jéova sé méyè dirèksion ou pé ba lavi’w ! (Sm 16:11).

GADÉ VIDÉWO-A LE CHEMIN MENANT AU BAPTÊME, APRÉ RÉPONN SÉ KÈSION-TALA :

• Ki difikilté yann-dé travèsé pou pran batenm ?

• Koumanniè ou pé travay lafwa’w pou rivé ba Jéova lavi’w ?

• Kisa ki endé yonn-dé fè pwogré jiska pran batenm ?

• Koumanniè Jéova ka béni moun ka désidé sèvi’y ?

• Ba Jéova lavi’w épi pran batenm, kisa sa lé di ?