LISON 25
Ki pwojé Bondié ni ba nou ?
Kon Labib-la ka di, « lavi an nonm […] kout toubannman, é i néyé anba pwoblèm » (Jòb 14:1). Ès sé sa Bondié lé ba nou poutoutbon ? Alò, ki pwojé Bondié ni ba nou ? Ès nou kèy wè’y an jou ? Annou gadé répons Labib-la, yo kèy ankourajé nou.
1. Ki kalté lavi Jéova lé nou ni ?
Jéova lé nou ni pli bèl lavi ki ni. Lè i kréyé prèmié nonm-lan é prèmié fanm-lan, Adan épi Èv, i mété yo adan an bèl paradi, jaden Lédenn. Apré sa i béni yo épi i di yo konsa : « Fè timanmay, miltipliyé kòzòt ; plen latè-a, épi tjenbé’y anba lanmen-zòt » (Jénèz 1:28). Jéova té prévwè yo té ni timanmay, yo té fè tout latè-a tounen paradi épi yo té otjipé sé zannimo-a. Sa i té lé, sé ki tout nonm ni an santé pawfé é viv pou toujou.
Sé pa konsa lavi-nou yé jòdia, men pwojé Bondié pa chanjé (Izayi 46:10, 11). I lé moun ki ka kouté’y viv pou létèrnité adan pli bèl kondision ki ni (li Révélasion 21:3, 4).
2. Ki manniè nou pé ni an lavi ki ni sans dépi atjèlman ?
Jéova kréyé nou an manniè pou nou bizwen’y. Sa lé di nou bizwen konnèt li épi adoré’y (li Matié 5:3-6). I lé nou vini bon zanmi épi’y, ki nou « suiv tout chimen’y ». I lé nou enmen’y, ki nou sèvi’y épi ‘tout tjè-nou’ (Détéwonòm 10:12 ; Sòm 25:14). Lè nou fè sa, nou ka ni tjè kontan magré nou ni pwoblèm. Adoré Jéova ka ba lavi-nou an sans paskè nou ka viv annakò épi manniè i kréyé nou.
ANNOU PLI LWEN
Annou gadé ki manniè Jéova préparé latè-a ba nou épi anpil lanmou é sa Pawòl-li ka aprann nou anlè sans lavi-a.
3. Jéova ni an bèl pwojé toubannman ba lézòm
Gadé VIDÉWO-a épi diskité kèsion-an ka vini an.
Poutji Bondié fè planèt-nou an sitèlman bèl ?
Li Éklézias 3:11 épi diskité kèsion-tala :
Kisa vèsé-tala ka aprann nou anlè Jéova ?
4. Pwojé Jéova pa chanjé
Li Sòm 37:11, 29 épi Izayi 55:11, épi diskité kèsion-tala :
Koumanniè nou sav pwojé-a Jéova ni ba nou pa chanjé ?
Sa posib ranjé an kay ki an dèch menm. Menm manniè-a, menm si lamajorité lézòm pa pran swen latè-a, Bondié kay ranjé’y é i kay ba moun ki enmen’y latè-a.
5. Adoré Jéova ka ba lavi-nou an sans véritab
Konnèt sans lavi-a pé endé nou ni tjè kontan. Gadé VIDÉWO-a épi diskité kèsion-an ka vini an.
Kisa ki chanjé ba Terumi, lè i dékouvè lavi-a ni an sans ?
Li Éklézias 12:13 épi diskité kèsion-tala :
Lè ou ka sonjé sa Jéova za fè ba nou, kisa sa ka ba’w anvi fè ba’y ?
AN MOUN SÉ PÉ MANDÉ’W : « Poutji nou ka viv ? »
Kisa ou té ké réponn ?
SA’W APRANN
Jéova lé nou viv pou toujou anlè latè, adan pli bèl kondision ki ni. Adoré Bondié épi tout tjè-nou ka ba lavi-nou an sans dépi atjèlman.
An ti viré gadé
Ki pwojé Jéova té ni ba Adan épi Èv ?
Ki manniè nou sav pwojé Bondié pou lézòm pa chanjé ?
Koumanniè nou pé ba lavi-nou an sans véritab ?
TIBREN PLIS ANKÒ
Ès jaden Lédenn èkzisté poubon ?
« Le jardin d’Éden—Un mythe ? » (La Tour de Garde, 1ié janvié 2011)
Kisa ka ba nou lasirans latè kèy toujou la ?
Kisa Labib ka di anlè sans lavi-a.
Gadé ki manniè an nonm ki té konprann i té ni tout bagay, touvé sa i té mantjé an lavi’y.
a Lison-an ka vini apré a ka èsplitjé poutji bagay-la pa fèt manniè Bondié té prévwè.