Pran pasians

Ki manniè Jézi té ka fè ?

VIDÉWO : Jézi endé frè’y la épi pasians

1. Gadé VIDÉWO-a ouben li Jan 7:3-5 épi 1 Korentjen 15:3, 4, 7. Apré, katjilé anlè sé kèsion-tala :

1. Ki manniè sé frè Jézi-a réyaji lè yo tann sa Jézi té ka ansénié ?

2. Kisa ka montré nou ki Jézi pa jen pèd lèspwa wè Jak, frè’y la, chanjé lidé an jou ?

Kisa lègzanp Jézi ka aprann nou ?

2. I ni moun ka pran plis tan ki dòt pou aksèpté lavérité ; alò annou pran pasians.

Pou fè kon Jézi...

3. Éséyé an lòt métòd. Si moun-lan pa djè cho pou étidié Labib, pa oblijé’y. Lè’w ké santi sa posib, montré’y an vidéwo ouben an awtik ki kèy endé’y konprann ki manniè an létid Labib ka pasé é poutji sa kèy fè’y dibien.

4. Pa konparé sé moun-lan. Nou tout diféran. Lè an moun adan lafanmi’w ouben an moun ou ka vizité pa lé étidié Labib, ouben pa ka asèpté an vérité, éséyé konprann poutji i ka réyaji konsa. Ès sé pas i ni an kwayans adan rèlijion’y i enmen anpil ? Ès lafanmi ouben vwazen ka fè présion anlè’y ? Pétèt i bizwen tan pou katjilé asou sa ou ansénié’y asou Labib.

5. Sonjé moun-lan adan lapriyè’w. Mandé Jéova endé’w rété pozitif épi pa fwasé moun-lan lè’w ka palé. Épi mandé Jéova endé’w wè si moun-lan vréman entérésé ouben si fòk arété vizité’y (1 Kor. 9:26).