Soutni disiplin Jéova sé an prèv lanmou

Èskominikasion ka pwotéjé lasanblé-a. Sé an manniè tou, pou disipliné péchè-a ki pa ka rigrété sa i fè, oben ki pa lé chanjé (1 Ko 5:6, 11). Soutni disiplin-tala, ki ka vini di Jéova, sé an prèv lanmou. Poutan, èskominikasion ka mennen gwo lapenn ba tout lé moun-lan, ki lafanmi, ki lé frè-a adan komité disiplin rèlijié-a. Alò, poutji nou ka di sé an prèv lanmou ?

An prèmié, sa ka montré lanmou-nou pou non épi règ Jéova ki sen (1 Pi 1:14-16). Anplis, sé an prèv lanmou pou moun-lan menm ki èskominié. Nou sav kè, menm si an korèksion ki tibren rèd pé fè lapenn, i pé mennen « an bèl rézilta nan lapé : lajistis » (Éb 12:5, 6, 11). Si nou ka frékanté an moun èskominié oben ki ladjé lasanblé-a, nou ka koubaré disiplin Jéova. Sonjé Jéova toujou ka korijé adoratè’y « silon mizi yo mérité » (Jr 30:11). Toupandan nou ka soutni disiplin-lan, nou ka gadé bon labitid èspiritièl-nou, nou ka kontinié èspéré moun-an kéy viré bò Papa lanmizérikòd-nou (Iz 1:16-18 ; 55:7).

GADÉ VIDÉWO-A RESTONS FIDÈLES D’UN CŒUR COMPLET, APRÉ POZÉ SÉ KÈSION-TALA :

• 

  Ki santiman paran krétjen ni, lè timanmay-yo ka ladjé Jéova ?

• 

  Kisa lasanblé-a pé fè pou pòté sipò ba lèrèstan lafanmi-a ki rété fidèl a Jéova ?

• 

  Ki listwa ki ni adan Labib-la ka montré kè fidélité pou Jéova pli enpòwtan ki fidélité ba lafanmi ?

• 

  Ki manniè nou pé rivé ba fidélité-nou pou Jéova plis valè ki fidélité-nou pou lafanmi ?