Korèksion : sé lè Jéova enmen’w

Labib ka sèvi sé mo-a, « korèksion », ouben dé lè « disiplin », pou palé èspésialman di fòwmasion épi lansèyman, men i ni osi sans di drésé ouben pini an moun. Jéova ka korijé nou pou nou pé adoré’y an manniè ki ka plè’y (Wm 12:1 ; Éb 12:10, 11). Délè, korèksion pé fè’w soufè, men i ka pèwmèt ou viré bien épi Jéova é ni bénédision’y (Pw 10:7). Moun-an ki ka korijé épi moun-an ki ka risivwè korèksion-an, kisa yo pou sonjé tou lé dé ?

Moun-an ki ka korijé. Moun ki ka korijé, kontèl sé zansien-an èk sé paran-an, yo pou fè sa yo pé pou yo korijé kon Jéova, épi bonté épi lanmou (Jr 46:28). Menm si korèksion-an rèd, i ké rézonab é sé lanmou kay mennen’y (Tt 1:13).

Moun-an ki ka risivwè korèksion-an. Kisiswa manniè-a ou ka risivwè korèksion-an, fòk ou sa pran’y. Fòk nou fè sa ki fò lamenm pou tjenn kont di li (Pw 3:11, 12). Nou piès pa pawfé, é nou tout bizwen korèksion. Nou bizwen pliziè modèl korèksion. Kontèl lè nou ka li Labib ouben lè nou ka kouté pwogram sé réyinion-an. Dòt lè, moun ka ni bizwen an komité disiplin rèlijié. Asèpté korèksion-an sé grenyen lavi (Pw 10:17).

GADÉ VIDÉWO-A « JÉHOVAH CORRIGE CEUX QU’IL AIME », APRÉ RÉPONN SÉ KÈSION-TALA :

• 

  Ki manniè lavi Kanòn koumansé épi ki manniè lavi’y chanjé apré ?

• 

  Ki korèksion plen lanmou Jéova ba’y ?

• 

  Ki lison nou ka aprann di sa i viv ?