Touché tjè-a

Kouté Bondié, sé an tjè’w sa ka pasé (Pw 3:1). Sé poutji, lè nou ka ansénié, nou pou fè tousa nou pé pou touché tjè moun-lan. Kouman ?

Sa pa sifizan jiskont aprann étidian’w lan sé vérité-a ki an Labib-la. Endé’y pito konprann laksion sé vérité-tala pé ni asou lavi’y épi rilasion’y épi Jéova. Endé’y pou i konprann sa lé prensip biblik ka aprann nou anlè lanmou, labonté épi lajistis Bondié. San jennen’y, pozé’y kèsion ki ké fè’y réfléchi épi ki ké mennen’y a di sa i ka pansé asou sa i ka aprann. Fè’y rézonnen asou bénéfis i kay jwenn, lè i korijé mové manniè i ka wè an bagay, oben si’y ladjé an mové labitid. Lè’w kay konstaté étidian’w lan enmen Jéova an fondòk tjè’y, ou kay ni plis lajwa.

GADÉ VIDÉWO-A POU RISANTI LAJWA FÈ DISIP, ANNOU VINI PLI FILÉ LÈ NOU KA : TOUCHÉ TJÈ-A, APRÉ RÉPONN SÉ KÈSION-TALA :

• 

  Poutji Nita mandé Jad : « Ès ou ni tan katjilé asou sa nou wè lendi pasé » ?

• 

  Koumanniè Nita endé Jad wè ki rapò ki ni ant prensip biblik é lanmou Jéova ni bay ?

• 

  Ki manniè Nita fè Jad rézonnen asou manniè i pé montré lanmou’y ba Bondié ?