Endé étidian’w ladjé mové labitid

Pou kontinié ni an bon rilasion épi Jéova, fòk ou ni an bon moralité (1Pi 1:14-16). Lè an étidian Labib ka ladjé mové labitid, i ka trapé an patjé bienfè adan lafanmi’y, pou jéré lajan’y épi pou santé’y.

Èsplitjé ba sé étidian’w lan an manniè klè, lwa moral Jéova, poutji yo fèt é ki bienfè ou ka trapé lè ou ka suiv yo. Fè tou sa ou pé pou endé sé étidian’w lan chanjé mantalité-yo, épi aksion-yo kay suiv (Éf 4:22-24). Fòk ou ba yo lasirans, épi Jéova, yo pé ladjé an vié labitid yo ni dépi lontan (Fl 4:13). Aprann yo sipliyé Jéova lè yo anvi fè an bagay ki pa bon. Endé yo rikonnèt sitiyasion danjéré fòk yo évité. Ankourajé yo fè bon bagay alaplas mové labitid yo té ni. Lè an étidian Labib ka rivé fè chanjman gras a Jéova, sé an bèl lajwa ba tout moun.

GADÉ VIDÉO-A ANNOU ENDÉ SÉ ÉTIDIAN LABIB-NOU AN LADJÉ MOVÉ LABITID, APRÉ RÉPONN SÉ KÈSION-TALA :

• 

  Kisa ki ka montré lé ansien-an épi Nita té ka pansé Jad té kapab chanjé ?

• 

  Ki manniè ankò Nita endé Jad ?

• 

  Ki manniè Jad li menm chèché an manniè pou Jéova endé’y ?