Di tout moun an monn pli méyè toupré rivé !

Mwa novanm-lan, nou ké fè an léfò èspésial pou anonsé bon nouvèl-tala : an monn pli méyè toupré rivé (Sm 37:10, 11 ; Rv 21:3-5). Ranjé pwogram-ou pou’w partisipé tout tan ou pé adan anons-tala. Alò, si ou désidé pran pionié mwa-tala, ou pé chwazi fè 30 lè oben 50 lè.

Préparé kòw pou’w pé sa li ba tout moun ou pé an vèsé ki ka palé monn nouvo-tala. Lè’w ka chwézi an vèsé, katjilé asou sa ki pé touché tjè moun adan téritwè’w la. Si an moun ka pòté lentéré dépi prèmié kozé-a, pwopozé’y La Tour de Garde publique n^o 2 2021. Apré pa tadé soutni lentéré’y épi fè tousa ou pé pou koumansé an létid biblik anlè bwochi-a Viv an bèl lavi pou toujou ! Mi lajwa mim, lè’w ka pran tan’w pou anonsé « bon nouvèl asou bagay ki pli méyè » ! (Iz 52:7).

GADÉ VIDÉWO-A LE MONDE NOUVEAU, APRÉ POZÉ SÉ KÈSION-TALA :

• Adan ki bèl landèmen tifi-a ka wè kòy ?

• Ki bénédision monn nouvo-a kay pòté ou ja présé wè.

• Ki manniè katjilé anlè lèspérans-ou pé endé’w paré kòw pou pran pa tout tan ou pé adan anons mwa novanm-lan ? (Lk 6:45).