Annou endé étidian-nou rijété mové konpanyi

Pou rivé vini zanmi épi Jéova, an létidian Labib pou chwézi bon frékantasion (Sm 15:1, 4). Sa kay ni an bon lenfliyans anlè’y (Pw 13:20 ; lff-F lison 48).

Lè ou ka ankourajé an létidian Labib pou i rijété mové frékantasion, fòk ou ni konpasion pou’y. Sa pétèt difisil di ladjé zanmi’y ki pa Témwen. Kidonk, pa entérésé kòw a li jiskont lè ou ka fè létid-li : voyé tèksto ba’y, kriyé’y, pasé wè’y tanzantan… Anmizi i ka fè pwogré, envité’y adan anmizman épi dòt frè é sè. Sé konsa, i kay wè an manniè klè, i kay plis genyen ki pèdi (Mk 10:29, 30). É wou menm, ou kay tou kontan wè lafanmi Jéova vini pli gran.

GADÉ VIDÉWO-A ANNOU ENDÉ SÉ ÉTIDIAN LABIB-NOU AN RIJÉTÉ MOVÉ KONPANYI, APRÉ RÉPONN SÉ KÈSION-TALA :

• An mové frékantasion sé kisa ? (1Ko 15:33).

• Ki manniè Jad té ka wè an tèt-li anmizman sé krétjen-an ?

• Alò, ki manniè Nita endé Jad bokanté mové frékantasion’y épi bon frékantasion ?