Manniè pou sèvi vidéwo nou ni pou koumansé an létid biblik

Nou ni a dispozision-nou 4 vidéwo pou koumansé létid biblik. Ki manniè pou sèvi chak vidéwo ?

• 

  Vidéwo-a Poutji fòk étidié Labib-la ? (vèsion long) itil pou endé sé moun-lan entérésé kòyo a Labib, ésa kisiswa kwayans-yo. I ka envité sé moun-lan chèché adan Labib répons anlè gran kèsion lavi-a épi i ka ba yonn-dé lègzanp ki ka montré manniè Labib-la lojik adan sa i ka di. I ka èsplitjé osi ki manniè pou mandé an létid biblik.

• 

  Vidéwo-a Poutji fòk étidié Labib-la ? (vèsion kout) sé menm vidéwo-a ki vèsion long-lan, men i lontan pli kout. Pétèt i kèy pli éfikas adan téritwè éti sé moun-lan présé.

• 

  Vidéwo-a Ki manniè an létid Labib ka pasé ? itil pou lévé lentéré moun ba létid biblik la nou ka pwopozé ki gratui. I ka réponn kèsion anlo moun ka pozé kòyo anlè létid Labib-la, pa ègzanp, ki manniè ou pé mandé yonn.

• 

  Vidéwo-a Kontan wè’w pou létid Labib-ou fèt pou moun ki ja koumansé étidié. Vidéwo- tala ka ba an ti lidé asou sa ki adan liv-la épi i ka èsplitjé manniè an létid ka pasé. Menm si sé liv-la Viv an bèl lavi pou toujou ! (paj 2) ki ka pwopozé gadé vidéwo-tala, ayen pa ka anpéché’w gadé’y épi moun-lan lè ou ka étidié bwochi-a Viv an bèl lavi pou toujou !

Donk, chak vidéwo ni an lòbjèktif prési. Toutfwa, ou pé montré ouben vréyé yonn adan sé vidéwo-tala si ou ka jijé sa itil. Sa té kèy bon tout pwoklamatè bien konnèt sé vidéwo-tala, pou sa sèvi yo bon manniè-a lè yo ka préché.