LAVI AN KRÉTJEN
Wè kòw kon Jéova ka wè’w
« Jéova enmen pèp-li » (Sm 149:4). Menm si nou ka péché, i ka wè kalité-nou épi sa nou kapab fè. Magré sa, délè, nou pa ka rivé wè kònou kon Jéova ka wè nou. Pa ègzanp, nou pé ni lenprésion nou pa vo ayen, parapòt a manniè yonn-dé moun ka wè nou. Pétèt osi nou pa ka rivé kwè Jéova enmen nou vréman, pas nou pa ka rivé oubliyé péché nou fè. Kisa ki pé endé nou jéré sé kalté santiman-tala ?
Sonjé, Jéova li, ka wè pli lwen ki nou (1Sm 16:7). Sa lé di i ka wè lakay-nou bagay nou menm pa ka wè. É érèzman Labib-la ka endé nou konprann manniè Jéova ka wè nou. Konsa, lè nou ka li vèsé épi listwa ki adan Labib, nou ka konprann wotè lanmou Jéova ba adoratè’y.
GADÉ VIDÉWO-A SOULAJÉ TJÈ’W DOUVAN JÉOVA, APRÉ RÉPONN SÉ KÈSION-TALA :
Kisa lègzanp gason-an épi papa’y, ka aprann nou asou manniè Jéova ka wè nou ?
Ki manniè an moun ki fè an péché grav men ki fè tousa ki fo pou ni bon rilasion épi Jéova, pé soulajé tjè’y douvan’y ? (1Jn 3:19, 20).
Ki bienfè frè-tala trapé lè’y li épi médité anlè listwa David épi Jozafat ?