LISON 5

An lèkti ki èkzak

1 Timoté 4:13

KISA POU FÈ : Bien li sa ki matjé anlè paj-la épi li pou yo tann ou.

Paré kòw bien. Katjilé asou rézon ki fè yo ékri tèks-la. Pa éséyé li sé mo-a yonn pa yonn, répété pliziè fwa pou’w sa li an fraz. Lè’w ka li, asiré pa mété mo anplis, pa bliyé oben chanjé sé mo-a. Rèspèkté tout sé sin-la pou bien li kontèl virgil épi tout kalté pwen.

Mandé an zanmi’w bien kouté’w lè’w ka li épi di’w tout sé mo-a ou pa bien li.
Bien li chak mo. Si’w ka jwenn an mo ki two difisil pou li, répété mo-a pliziè fwa jiktan ou sa li’y bien, kouté anrèjistrèman piblikasion-an oben mandé an moun ki sa bien li.
Palé pou yo konprann sa’w ka di. Pran tan artikilé : tjenbé tèt-ou dwèt épi bien ouvè bouch-ou. Fè éfò pou bien di chak mòso sé mo-a.

Pa li sé mo-a an manniè ki pa natirèl.