Lidé ki vré épi ki ka konvenk

Lik 1:3

KISA POU FÈ : Sèvi enfòmasion ki vré pou endé moun ki ka kouté’w konprann lansèyman ki nésésè.

KI MANNIÈ POU FÈ SA :

• Apiyé asou enfòmasion ou pé fè konfians. Li dirèktiman adan Bib-la chak lè sa posib, pou montré sa’w ka di ka vini di Pawòl Bondié. Si’w ka sèvi an pawòl lasians, an nouvèl, an listwa ki pasé, oben an lòt enfòmasion ki pé endé moun konprann sa’w ka di, bien gadé ki koté enfòmasion-tala sòti, épi si jis jòdi i bon toujou.

• Bien sèvi sé enfòmasion’w lan. Èsplitjé sé vèsé-a an akò épi vèsé ki oliwon, épi mésaj Labib-la, épi piblikasion « lèsklav fidèl é prévwayan » (Mat. 24:45). Lè’w ka sèvi enfòmasion ki pa ka vini di Labib ouben di piblikasion-nou, sèvi yo silon lentansion lotè-a èk silon moman-an i ba enfòmasion-tala pou prèmié fwa.

• Rézonnen asou sé enfòmasion-an. Lè’w fini li an vèsé oben sèvi an enfòmasion, pozé kèsion ki pa ka jennen, oben sèvi an èkzanp pou èsplitjé lidé-a, pou endé moun ki ka kouté’w rivé konprann yo menm lansèyman-an.