Pran tan entérésé kòw a tout moun

Ki manniè Jézi té ka fè ?

VIDÉWO : Jézi épi Samaritèn-lan

1. Gadé VIDÉWO-a ouben li Jan 4:6-9. Apré, katjilé anlè sé kèsion-tala :

1. Avan menm i koumansé palé ba madanm-lan, kisa Jézi té ja wè ?

2. Jézi di’y : « Ba mwen tibren dlo pou brè. » Poutji sé té an bèl manniè pou koumansé diskision-an ?

Kisa lègzanp Jézi ka aprann nou ?

2. Sa kèy pli fasil ba nou ni an bèl diskision épi an moun si nou koumansé palé di an bagay ki ka entérésé’y.

Pou fè kon Jézi…

3. Fòk ou paré chanjé sa’w kèy di. Pa rété yenki anlè sa ou té prévwè di. Koumansé épi an bagay ki an lèspri sé moun-lan. Mandé kòw :

1. « Kisa yo ka di adan nouvèl ? »

2. « Vwazen-mwen, kolèg-mwen, kanmarad lékòl-mwen, di kisa yo ka palé ? »

4. Pran tan gadé. Mandé kòw :

1. « Kisa moun-lan ka fè ? Kisa i ni an tèt-li ? »

2. « Kisa rad-li, fidji’y oben kay-li ka aprann mwen asou kwayans-li épi sa i enmen ? »

3. « Ès sé bon moman-an pou palé ba’y ? »

5. Pran tan kouté.

1. Pa palé twòp.

2. Mandé’y sa i ka pansé. Lè’w ka santi sé bon moman-an, pozé kèsion.