LISON 19
Ès sé Témwen Jéova-a sé dé vré krétjen ?
Sé Témwen Jéova-a asiré yo sé dé vré krétjen. Poutji ? Koté kwayans-yo ka sòti ? Poutji non-nou sé Témwen Jéova ? Ki manniè nou ka montré nou ni lanmou yonn pou lòt ?
1. Asou kisa kwayans Témwen Jéova ka apiyé ?
Jézi di : ‘Pawòl Bondié sé vérité’ (Jan 17:17). Kon Jézi, kwayans Témwen Jéova ka apiyé asou Pawòl Bondié. Pa èkzanp, gadé listwa sé Témwen Jéova-a yo té ka kriyé avan Étidian Labib. Pa koté lanné 1870, gwoup moun-tala koumansé étidié Labib an manniè filé. Yo té ka apiyé kwayans-yo asou sa Labib té ka di, menm si sé lézòt légliz-la té ka ansénié an lòt bagay. Apré, yo koumansé palé ba dòt moun di sé vérité Labib-talaa.
2. Poutji non nou sé Témwen Jéova ?
Adoratè Jéova ka di lavérité anlè’y, sé pou sa Jéova ka kriyé yo, témwen’y (Ébré 11:4 – 12:1). Pa èkzanp, i ni bien lontan, Bondié di pèp-li : « Zòt sé témwen-mwen » (li Izayi 43:10). Bib-la ka kriyé Jézi li menm : « Témwen fidèl-la » (Révélasion 1:5). Sé poutji, an 1931, nou pran non Témwen Jéova. Nou fiè pòté non-tala !
3. Koumanniè Témwen Jéova ka imité lanmou Jézi ?
Jézi té sitèlman enmen sé disip-li a, i té ka konsidéré yo kon fanmi’y li (li Mak 3:35). Menm manniè-a, Témwen Jéova sé an fanmi entèwnasional ki soudé. Sé pou sa nou ka kriyé kònou « frè èk sè » (Filémon 1, 2). Nou ka obéyi koumandman-tala tou : « Enmen tout frè-zòt » (1 Piè 2:17). Sé Témwen Jéova-a ka montré lanmou-yo pliziè manniè. Pa ègzanp, nou ka endé frè é sè-nou ki bizwen an pal, kisiswa koté-a yo ka viv.
ANNOU PLI LWEN
Annou aprann plis asou listwa sé Témwen Jéova-a é annou wè dòt prèv ki nou sé dé vré krétjen.
Lé vré krétjen ka apiyé kwayans-yo anlè Labib é yo ka palé di kwayans-yo épi lézòt.
4. Kwayans-nou ka apiyé anlè Labib
Jéova té anonsé ki adan sé dènié jou-a, nou té ké konprann sé vérité Labib-la plimié. Li Danièl 12:4 épi diskité kèsion-tala :
Kisa ki té « kèy koulé kon dlo » ba sèvitè Bondié anmizi yo té kèy étidié Labib-la ?
Annou gadé ki manniè an gwoup étidian Labib étidié Pawòl Bondié. Pami yo té ni Charles Russell. Gadé VIDÉWO-a épi diskité kèsion-an ka vini an.
Ki métòd gwoup Charles Russell-la suiv pou étidié Labib ?
Ès ou té sav sa ?
Sa rivé délè nou modifié kwayans-nou. Poutji ? Tou kon solèy-la ka pran tan’y lévé épi ka fè’w wè an péyizaj piti a piti, Bondié fè konprann Pawòl-li piti a piti (li Pwovèb 4:18). Donk, menm si Labib pa ka chanjé, plis nou ka konprann li, plis kwayans-nou ka vini filé.
5. Nou ka viv annakò épi non-an nou ka pòté a
Poutji nou pran non Témwen Jéova ? Gadé VIDÉWO-a épi diskité sé kèsion-an ka vini an.
Non-an Témwen Jéova bien chwazi. Poutji ?
Poutji Jéova mandé moun pou yo sèvi’y témwen ? Sé moun-tala té ké fè sav sé li ki vré Bondié-a épi yo té kèy dénonsé tout mansonj yo ka di asou’y. Annou wè 2 adan sé mansonj-tala.
I ni rèlijion ka ansénié Bondié lé nou adoré’y épi èstati ouben zimaj. Ès sa vré ? Li Lévitik 26:1 épi diskité kèsion-tala :
Silon vèsé-tala, sa Jéova ka pansé di sé bagay-tala ?
I ni rèlijion ka ansénié Jézi sé Bondié. Ès sa vré ? Li Jan 20:17 épi diskité sé kèsion-tala :
Silon vèsé-tala, ès Jézi épi Bondié sé menm moun-lan ?
Jéova vréyé sé Témwen’y lan préché lavérité asou’y é asou Fis-li, sa’w ka pansé di travay-tala yo ka fè a ?
6. Nou ni lanmou yonn pou lòt
Labib-la ka di sé krétjen-an lianné yonn épi lòt, menm manniè diféran mòso kò an moun lianné yonn épi lòt. Li 1 Korentjen 12:25, 26 épi diskité sé kèsion-tala :
Koumanniè sé vré krétjen-an dwé réyaji lè yo ka wè frè èk sè-yo ka soufè ?
Sé Témwen Jéova-a ka montré yo ni lanmou yonn pou lòt. Koumanniè wou menm ka wè sa lakay-yo ?
Lè Témwen Jéova an koté adan monn-lan ka soufè, sé lézòt Témwen Jéova-a adan lèmonn antié ka ba yo an pal lamenm. Gadé VIDÉWO-a. Apré diskité kèsion-an ka vini an.
Témwen Jéova ka partisipé adan opérasion soukou. Koumanniè sa ka montré lanmou-yo ?
Lanmou ka pousé sé vré krétjen-an endé sa ki ka soufè.
NI MOUN KA DI : « Zòt pa jen wè Jéova, alò poutji zòt ka di zòt Témwen Jéova ? »
Dépi ki tan Jéova ka di adoratè’y sé témwen’y ?
SA’W APRANN
Sé Témwen Jéova-a sé dé vré krétjen. Nou sé an fanmi entènasional, kwayans-nou ka apiyé anlè Labib é nou ka fè konnèt lavérité asou Jéova.
An ti viré gadé
Poutji nou pran non Témwen Jéova ?
Ki manniè nou ka montré nou enmen nou ?
Ès ou ka pansé sé Témwen Jéova-a sé dé vré krétjen ?
TIBREN PLIS ANKÒ
Aprann plis asou listwa Témwen Jéova.
Les Témoins de Jéhovah. La foi en action, 1re partie : La sortie des ténèbres (1:00:53)
Mi an mansonj rèlijié Témwen Jéova dévwalé.
Répons a kèsion zòt pé ni asou Témwen Jéova.
Stephen sé té an kriminèl ki té rayi moun ki pa té menm ras épi’y. Sa i wè lakay sé Témwen Jéova-a fè’y chanjé.
« Ma vie allait de plus en plus mal » (La Tour de Garde, 1ié juiyé 2015)
a Sé Témwen Jéova-a ka pibliyé Tou di Gad-la, an jounal ka aprann moun sé vérité Labib-la dépi 1879.