VI A ON KRÉTYEN
Jennmoun : Wouvè tchè a zòt ba paran a zòt
Poukwa fò ou éséyé di paran a-w sa ou ka pansé ? (Pw 23:26). Pas Jéova ba-yo rèsponsabilité-la dè pran swen dè-w é dè gidé-w (Sòm 127:3, 4). Si ou té ka kaché-yo sa ki ka pran tèt a-w é sa ki ka fè-w pè, sa té’é pli rèd ba yo dè édé-w. Anplis, ou té’é pasé akoté dè èkspéryans a yo ki pé itil ba-w. Ès sé on mové biten dè pa di paran a-w tousa ou ka pansé ? Pa oblijé, dépi a pa pou kouyonné-yo (Pw 3:32).
Kijan ou pé palé ba paran a-w ? Éséyé chwazi bon moman-la ki pou vou ki pou yo. Si ou ka touvé sa rèd, ou pé maké on lèt ba yonn adan yo pou fè-y sav sa ou ka rèsanti. É si yo vlé palé dè on biten kè ou pa anvi palé ? Pa oubliyé kè yo vlé vréman édé-w. Pa vwè paran a-w kon lènmi a-w, vwè-yo kon dé zanmi. Éfò-la ou ka fè la pou kominiké franchman èvè paran a-w ké pòté bon biten ba-w pou rèstan a vi a-w, vi étèwnèl a-w ! (Pw 4:10-12).
GADÉ VIDÉO-LA VI AN MWEN ANTANKÈ JENN : KIJAN AN PÉ PALÉ BA PARAN AN MWEN ?, APRÉSA RÉPONN A SÉ KÈSYON-LASA :
Dè kibiten Esther é Partik rann-yo kont anrapò èvè yomenm ?
Ka ègzanp a Jézi pé aprann-vou ?
Kijan paran a-w ka montré kè yo ka pran swen dè-w ?
Paran a-w vlé ou réyisi vi a-w.
Ki prensip a Labib té’é pé édé-w palé ba paran a-w ?