Ou pé édé fanmi a-w ni plis jwa

Jéova vlé kè sé fanmi-la ni tchè-kontan (Sòm 127:3-5 ; Ékl 9:9 ; 11:9). Men akòz dè istrès a mond-lasa é dè érè kè moun an fanmi an nou ka fè, nou pé rivé a pèd jwa an nou. Ka chakmoun pé fè pou fanmi-la ni plis jwa ?

On mari ka ba madanm a-y lonnè (1P 3:7). I ka pasé tan èvè-y. I pa ka atann twòp dè madanm a-y é i ka montré i ni rèkonésans pou sa madanm a-y ka fè pou-y é pou fanmi-la (Kol 3:15). I ka di jan i enmé-y é jan i ka aprésyé-y (Pw 31:28, 31).

On madanm ka chèché kijan i pé soutyenn mari a-y (Pw 31:12). I ka soumèt-li a mari a-y é i ka kolaboré èvè-y (Kol 3:18). Ki sé lè i ka palé ba-y, ki sé lè i ka palé dè-y, i ka fè sa èvè bonté (Pw 31:26).

Sé paran-la ka pasé tan èvè timoun a yo (Dét 6:6, 7). Yo ka di timoun a yo kè yo enmé-yo (Mat 3:17). Lèwvwè yo ka korijé-yo, yo ka fè sa èvè lanmou é bon jijman (Éf 6:4).

Sé timoun-la ka ba paran a yo lonnè é yo ka obéyi-yo (Pw 23:22). Yo ka di paran a yo sa yo ka pansé é sa yo ka rèsanti. Yo ka aksèpté kè paran a yo korijé-yo é yo ka rèspèkté-yo (Pw 19:20).

GADÉ VIDÉO-LA TRAVAY POU I NI JWA ADAN FANMI A-W, APRÉSA RÉPONN A KÈSYON-LASA :

Kijan chakmoun travay pou i té ni jwa an fanmi-la ?