Disiplin, sé on mannyè Bondyé ka montré i enmé-nou

Adan disiplin, sa ou ka touvé an prèmyé sé enstriksyon é édikasyon, men ou ka touvé pinisyon osi. Jéova ka disipliné-nou pou nou adoré-y on mannyè ki ka fè-y plézi (Wom 12:1 ; Éb 12:10, 11). Délè, disiplin-la pé ka fè-nou mal, men i ka pèwmèt-nou vin jis an zyé a Jéova é ni bénédisyon a-y (Pw 10:7). Ka séla ki ka bay disiplin-la é séla ki ka rèsèvwa-y la dwèt toujou sonjé ?

Sila ki ka bay. Sé ansyen-la, sé paran-la é dòt moun ka fè onlo éfò pou disipliné èvè jantiyès é èvè lanmou menmjan ki Jéova (Jér 46:28). Lèwvwè sa nésésè dè bay on disiplin ki rèd, fò i ka korèsponn èvè sitiyasyon-la é sé lanmou ki dwèt gidé-y (Tit 1:13).

Sila ki ka rèsèvwa. Kèlkanswa jan-la yo ka disipliné-nou la, fò pa nou ba disiplin-la do é fò nou éséyé apliké-y tousuit (Pw 3:11, 12). Konm nou enpawfè, noutout bizwen yo disipliné-nou, é disiplin-la pé pran diféran fòwm. Sé pé lè nou ka li Labib oben grasa sa nou ka tann pannan sé réinyon a lasanblé-la. Oben délè, ni sa, yo ké bizwen fè on komité a disiplin ba yo. Si nou ka aksèpté disiplin-la é si nou ka apliké-y, vi an nou ké pli bèl é nou ké viv pou touttan (Pw 10:17).

GADÉ VIDÉO-LA « JÉHOVAH CORRIGE CEUX QU’IL AIME », APRÉSA RÉPONN A SÉ KÈSYON-LASA :

• 

  Kijan vi a Canon koumansé, é kijan vi a-y chanjé ?

• 

  Ki disiplin plen lanmou Jéova ba-y ?

• 

  Ka èkspéryans a-y ka aprann-nou ?