Nou ka montré nou ni lanmou lè nou ka soutyenn disiplin a Jéova

Lè yo ka èskominyé on moun, sé pou pwotéjé lasanblé-la é pou korijé péchè-la ki pa rèpanti-y la (1Ko 5:6, 11). Nou ka montré nou ni lanmou lè nou ka soutyenn disiplin-lasa ki ka vin dè Jéova. Men magrésa, lè on moun èskominyé, sa ka fè fanmi-la é sé frè-la ki adan komité a disiplin la lapenn. Alò poukwa nou ka di kè lè nou ka soutyenn dispozisyon-lasa, nou ka montré kè nou ni lanmou ?

Dabò pou yonn, nou ka montré kè nou ni lanmou pou répitasyon a Jéova é pou prensip a-y ki sen (1P 1:14-16). Nou ka montré nou ni lanmou pou moun-la ki èskominyé la osi. Menmsi on disiplin ki rèd ka rann on moun tris, ofinal sa pé fè-y « maché dwèt adan lapé » (Éb 12:5, 6, 11). Si nou ka frékanté on moun ki èskominyé oben ki sòti adan lasanblé-la, nou ka anpéché disiplin a Jéova aji. Sonjé kè lè Jéova ka korijé sèwvitè a-y, i pa jen two mòl ni two rèd (Jér 30:11). Toupannan nou ka soutyenn disiplin-lasa é nou ka gadé bon labitid èspirityèl an nou, nou ka kontinyé èspéré kè moun-la ké wouvin owa Pap’an nou ki plen mizérikòd (Iz 1:16-18 ; 55:7).

GADÉ VIDÉO-LA RESTONS FIDÈLES D’UN CŒUR COMPLET, APRÉSA RÉPONN A SÉ KÈSYON-LASA :

• 

  Lè timoun a yo ka lésé Jéova, ka sé paran krétyen la ka rèsanti ?

• 

  Kijan lasanblé-la pé soutyenn sélézòt moun a fanmi-la ki fidèl a Jéova ?

• 

  Ki istwa adan Labib ka montré kè fidélité an nou pou Jéova pi enpòwtan ki fidélité an nou pou fanmi an nou ?

• 

  Kijan nou pé fè ansòt pou fidélité an nou pou Jéova pasé douvan fidélité an nou pou fanmi an nou ?