Sèvi èvè liv-la Ou pé ni tchè-kontan pou touttan ! pou édé moun ni fwa an Jéova é an Jézi

Pou fè Bondyé plézi, on étidyan a Labib dwèt konstwi on fwa ki solid (Éb 11:6). Pou touché tchè a-y, nou pé sèvi èvè liv-la Ou pé ni tchè-kontan pou touttan !. Adan liv-lasa ki fèt pou étidyé nou ka touvé vèwsé ki enpòwtan, èsplikasyon ki lojik, kèsyon ki éfikas, vidéo ki ka ankourajé-nou é bèl ti imaj. Lè nou ka édé on étidyan a ni sé kalité krétyèn la é a vin zanmi a Bondyé, sé konsi nou ka konstwi èvè matéryo kè difé pé pa détwi (1Ko 3:12-15).

Pou sèwten moun, sa rèd dè imajiné kè yo zanmi a Bondyé, kè yo pé pa vwè. Alò sé nou pou fè-yo dékouvè kimoun i yé pou édé-yo ni lafwa.

GADÉ VIDÉO-LA SÈVI ÈVÈ LIV-LA « OU PÉ NI TCHÈ-KONTAN POU TOUTTAN ! » POU ÉDÉ MOUN NI FWA AN JÉOVA, APRÉSA RÉPONN A SÉ KÈSYON-LASA :

• Ka ki ka montré kè sè-lasa té byen préparé pou étid-la ?

• Kijan sé kèsyon-la i pozé la asi Izayi 41:10, 13 édé étidyan-la palé ?

• Ki éfé vidéo-la é sé vèwsé biblik la ni asi étidyan-la ?

Onlo moun pa’a konprann ka ki ranson-la oben yo pa’a vwè-y kon on kado Bondyé ka fè-yo pèwsonèlman (Gal 2:20). Sé pousa, fò nou édé-yo ni fwa adan sakrifis a Jézi.

GADÉ VIDÉO-LA SÈVI ÈVÈ LIV-LA « OU PÉ NI TCHÈ-KONTAN POU TOUTTAN ! » POU ÉDÉ MOUN NI FWA AN JÉZI, APRÉSA RÉPONN A SÉ KÈSYON-LASA :

• Ka ki ka montré kè frè-lasa té byen préparé pou étid-la ?

• Kijan i sèvi èvè pati-la « Ay gadé sa osi » pou édé étidyan a-y ?

• Poukwa sa enpòwtan toubònman dè priyé èvè on étidyan é kè limenm a-y priyé osi ?