Ès Témwen a Jéova ka défann moun gadé sèwten fim, li sèwten liv oben kouté sèwten mizik ?

Non. Adan òwganizasyon an nou, pa ni ponmoun ki ka analizé fim, liv oben mizik pou di-nou si nou pé gadé-yo, li-yo oben kouté-yo. Poukwa nou ka di sa ?

Labib ka ankourajé nouchak « sèvi èvè kapasité nou ni » pou fè ladiférans antrè sa ki byen é sa ki mal (Ébré 5:14).

Labib ka ban-nou dé prensip ki fondal é lèwvwè on krétyen vlé chwazi on anmizman, fò i tchenn kont dè yoa. Adan domenn-lasa, kon adan tout sélézòt-la, òbjèktif an nou sé « toujou vérifyé sa ki ka fè Ségnè-la plézi » (Éfézyen 5:10).

Labib ka anségné kè sé chèf a fanmi la ni on sèwten otorité. Kifè, yo andwa entèwdi manb a fanmi a yo, ki ka viv a kaz a yo, sèwten anmizman (1 Korentyen 11:3 ; Éfézyen 6:1-4). Sé sèlman pou séla ki an fanmi a-y kè chèf a fanmi la pé di si on fim, on mizik oben on awtis pa bon. Men i pa andwa fè sa pou tout Témwen a Jéova (Galat 6:5).