Ti konsèy a mwa-lasa

Aprann chanson an nou patchè

« Lèwvwè an ni lenprésyon kè an kon on zéro douvan on chif, Jéova ka ban-mwen kouraj grasa sé chanson-la nou ka touvé asi JW Télédifizyon » (Lorraine, Étazini).

Sé krétyen-la toujou chanté chanson pou ba Bondyé louwanj (Kol. 3:16). Si ou aprann sé chanson-la patchè é kè on jou, ou pa ni kantik a-w oben aparèy élèktronik a-w, sa ké édé-w. An-nou vwè déotwa biten ou pé fè pou ou rivé aprann-yo :

• Pran on ti tan pou gadé pawòl a sé chanson-la é pou ou konprann-yo byen. Si ou ka konprann on biten byen, ou ké sonjé-y pi fasilman. Ou ké touvé pawòl a tout chanté an nou, kon sé chanson-la é sé chanson-la ki fèt pou sé timoun-la, asi jw.org. Pou sa, ay adan « Bibliothèque », é ay asi « Musique ».

• Maké sé pawòl-la asi on papyé. Sa ké édé-w sonjé-yo pi fasilman (Dét. 17:18).

• Répété-yo fò. Li oben chanté sé chanson-la plizyè fwa.

• Gadé pou vwè si ou woutyenn-yo. Pa gadé fèy a-w é éséyé vwè si ou ka sonjé sé pawòl-la é ou ké vwè si ou woutyenn-yo.