Ka sé ti chanté orijinal la pé aprann-vou ?

Pawmi sé ti chanté-la nou ni la, kilès ou pli enmé é poukwa ou enmé-yo konsa ? Ès ou ka touvé kè sé sitiyasyon-la ki adan sé vidéo-la ka korèsponn èvè sa nou ka viv touléjou ? Difètkè ni diféran kalté tèm é diféran istil dè mizik, toutmoun ka touvé kont a-y. Men sé ti chanté-la é sé vidéo-la pa fèt enki pou anmizé-nou.

Chak ti chanté ka aprann-nou dé lèson ki itil pou ministè an nou é pou vi a krétyen an nou. Ni sa ka palé dè : enmé akéyi lézòt, linité, lanmityé, kouraj, lanmou oben lafwa. Ni dòt ki ka montré kijan pou wouvin owa Jéova, kijan pou padoné, rété fidèl a san pou san touléjou, oben kijan pou chèché a ni dé òbjèktif èspirityèl. Jous ni on ti chanté asi jan pou sèvi èvè on pòwtab on mannyè rézonab. Ki dòt lèson itil ou touvé adan ti chanté an nou ?

GADÉ VIDÉO A TI CHANTÉ-LA JUSTE À NOTRE PORTE, É RÉPONN A SÉ KÈSYON-LASA :

• Asi ki bénédisyon ki ka vin dèmen on frè é madanm a-y ki ja ni on ti laj ka réfléchi ? (Jén 12:3).

• Kijan nou pé konsolidé fwa an nou adan lèfètkè Jéova kapab réyalizé sa i pwomèt ?

• Kimoun ou ké kontan vwè toubònman jis adan on ti tak tan ?

• Kijan èspérans a Wayòm-la ka édé-nou andiré sé éprèv-la ? (Wom 8:25).