Kijan ou ka konsidéré Labib ?
Sèlon vou, Labib sé...
on liv nonm entélijan maké.
on liv a kont é istwa.
Pawòl a Bondyé.
MI SA LABIB KA DI
« Tout Ékriti-la sé Bondyé ki enspiré-y » (2 Timothée 3:16, Traduction du monde nouveau).
KA SA VLÉ DI POU-W
Labib pé ba-w :
répons a kèsyon enpòwtan ou ka pozé-w si lavi (Proverbes 2:1-5),
konsèy ki fyab pou gidé-w touléjou (Psaume 119:105),
on èspwa ki sèten pou dèmen (Romains 15:4).
ÈS NOU PÉ KWÈ SA LABIB KA DI ?
Wi, pou omwen twa rézon :
Pa ni pon lidé ki ka kontrèdi ondòt. Sé 40 nonm ki ékri Labib asi on péryòd ki diré 1600 lanné. Adan yo, onlo pa janmé jwenn. Magrésa, tout Labib ka fè onsèl, alantou a onsèl tèm !
On liv ki pa ka manti. Moun ki ka ékri Listwa pa gè ka di lè pèp a-yo pèd konba. Men moun ki ékri Labib rakonté sa pèp a-yo é sa yo menm fè ki pa té bon (2 Chroniques 36:15, 16 ; Psaume 51:1-4).
Sa i ka anonsé toujou ka fèt. 200 lanné avan sa té fèt, Labib té ja anonsé on vil an tan lontan, yo té ka kriyé Babilòn, té ké détwi (Isaïe 13:17-22). I té ja di kijan i té ké tonbé é an men a kimoun ! (Isaïe 45:1-3).
An Bib-la, ni onlo dòt pwofési ki fèt ègzaktèman kon sa té anonsé. Men ès sa pa nòwmal pou on liv ki ka di kè i ka vin dè Bondyé ? (2 Pierre 1:21).
RÉFLÉCHI SI SA
Kijan Pawòl a Bondyé pé rann vi a-w pli bèl ?
Labib ka réponn kèsyon-lasa adan ISAÏE 48:17, 18 é adan 2 TIMOTHÉE 3:16, 17.