Fò ou palé franchman

Ègzanp a Jézi

VIDÉO : Jézi é tiboug rich la

1. Gadé VIDÉO-la oben li Mawk 10:17-22. Aprésa réfléchi asi sé kèsyon-lasa :

1. Ki bèl kalité Jézi vwè jennboug-la té ni ?

2. Poukwa nou pé di, fò Jézi té ni lanmou é fò i té palé franchman, pou ba tiboug-la on konsèy ?

Sa ègzanp a Jézi ka aprann-vou

2. Pou édé étidyan a-w fè pwogré, fò ou enmé-y, men fò ou palé franchman ba-y osi.

Pou imité Jézi…

3. Édé étidyan a-w vwè sa i pé fè é édé-y rivé an bout a sa i té prévwa.

1. Sèvi èvè ti karé-la « On biten ou pé éséyé fè », ki adan liv-la Ou pé ni tchè-kontan pou touttan !

2. Édé étidyan a-w konprann kijan i pé rivé an bout a òbjèktif a-y piti-a-piti.

3. Félisité-y souvan pou pwogré i ka fè.

4. Gadévwè sa ki ka anpéché étidyan a-w fè douvan, é édé-y pou i rivé janmbé sa.

1. Si étidyan a-w pa ka fè pwogré, mandé-w :

   • « Ka ki ka frenné-y ? »

   • « Kibiten byen prési an pé fè pou édé-y ? »

2. Mandé Jéova ba-w kouraj, pou palé dè pwoblèm-la èvè étidyan a-w, jantiman é franchman.

5. Arété étidyé èvè moun ki pa ka fè pwogré.

1. On étidyan ka fè pwogré, si…

   • i ka apliké sa i ka aprann an vi a-y,

   • i ka vin adan réinyon a lasanblé-la é i ka palé dè Labib alantou a-y,

   • rivé on lè, i ka di i vé vin Témwen a Jéova.

2. Si étidyan-la pa ka fè sé éfò-la i kapab fè la :

   • Mandé-y, sèlon li, ka ki ka anpéché-y fè douvan.

   • Èspliké-y jantiman poukwa ou kay arété étidyé èvè-y.

   • Di-y klèwman sa i dwèt fè dabò, avan ou woupran étid-la èvè-y.