Kijan pou sèvi èvè « On lidé asi sa ou pé di »

Dépi janvyé 2018, nou ka touvé « On lidé asi sa ou pé di » asi prèmyé paj a Kayé pou réinyon Vi é ministè a on krétyen. Kijan nou pé itilizé ribrik-lasa ?

Lè ou ka prézanté on sijé : Fò ou sèvi èvè kèsyon-la, vèwsé-la é kèsyon pou pwochen fwa la ki adan « On lidé asi sa ou pé di ». Men sa pa vlé di kè fò ou itilizé ègzaktèman sé menm mo-la ki adan sé vidéo-la ki ka sèvi konm modèl. Ou pé itilizé ondòt sitiyasyon, chanjé sé prèmyé pawòl-la ou ké di la, fè on rézònman diféran, é ou pé chanjé dòt biten ankò. Ou pé pwopozé osi on piblikasyon ki adan bwèt a zouti an nou pou anségné, menmsi sa pa maké adan sé enstriksyon-la yo ka bay pou fè sijé-la.

Lè ou ka préché : « On lidé asi sa ou pé di » fèt pou bay dé lidé ki itil. Si on moun ka montré-w kè i vréman entérésé é kè i vlé konnèt plis, ou pé kontinyé ti kozé-la, pétèt ou pé sèvi èvè « On lidé asi sa ou pé di » pou « Lè ou ka viré ». Ou pé adapté sé lidé-la ondòt jan oben sèvi èvè dòt lidé ki konplètman diféran. Ès pa ni on tèm a on mwa pasé oben ondòt vèwsé ki té’é plis entérésé moun a téritwa a-w ? Ès adan téritwa a-w sé moun-la ka palé dè on évènman ki sòti fèt oben ki pasé an vwazinaj-la ? Kèlkanswa mannyè ou désidé sèvi èvè « On lidé asi sa ou pé di », ou dwètèt ni konm òbjèktif dè ‘fè tousa ki fo pou bon nouvèl-la, pou ou pé sa pawtajé-y èvè lézòt’ (1Ko 9:22, 23).