Kijan pou sèvi èvè « On lidé asi sa ou pé di »

Sé frè-la ka travay rèd pou préparé « On lidé asi sa ou pé di », é onlo pwoklamatè ka touvé kè sé lidé-lasa ka maché byen toubònman adan téritwa a yo. Men sitiyasyon-la diféran sèlon la sé moun-la ka rété la asi latè. Sé pousa, lè i ké ka préché on pwoklamatè ké pé chwazi ondòt kèsyon, ondòt vèwsé é ondòt kèsyon pou pwochen fwa. É i ké pé chwazi osi ondòt tèm ki ké ba sé moun-la ki adan téritwa a-y anvi kouté mésaj-la. On biten ki sèten, fò noutout suiv sé enstriksyon-la yo ka ban-nou la adan Kayé Vi é ministè la lè ni on prédikasyon èspésyal. Òbjèktif an nou sé akonpli misyon-la Jézi ban-nou la, kivédi préché bon nouvèl a Wayòm la (Mat 24:14).

Lè on zélèv ké ka prézanté on sijé, fò i ké sèvi èvè tèm-la yo ka pwopozé-y la adan « On lidé asi sa ou pé di » ki adan Kayé Vi é ministè la. Men i ké pé chwazi ondòt kèsyon, ondòt vèwsé, ondòt kèsyon pou pwochen fwa oben i ké pé menné ti kozé-la ondòt jan sèlon sa ki ka maché byen adan téritwa a-y, sòf si yo bay ondòt enfòwmasyon. Enstriksyon-lasa ka ranplasé sila ki adan paj 8 a Kayé Vi é ministè a jen 2020.