Dé Izraélit ki té èsklav ka rètouné an fanmi a yo é yo ka woupran tè a yo pannan Jibilé-la.

TRÉZÒ KI AN PAWÒL A BONDYÉ

Lanné a Jibilé-la é libèté-la nou kay ni la

Lanné a Jibilé-la té ka anpéché sé Izraélit-la ni dèt oben rété maléré tout vi a yo (Lév 25:10 ; it-2-F 137-138 ; gadé imaj-la ki anlè po a kayé-la).

Lè yo té ka vann on mòso tè, an réyalité, sé louwé yo té ka louwé-y. É pri a lokasyon-la té ka korèsponn èvè valè a sa tè-la té ké pwodui (Lév 25:15 ; it-1-F 1107 § 7).

Jéova té ka béni pèp a-y lè yo té ka suiv lwa a Jibilé-la (Lév 25:18-22 ; it-2-F 70 § 2).

Adan on ti moman, moun ki fidèl ké pé pwofité anplen dè bon biten Jibilé senbolik la ké pòté : yo pé’é touvé-yo anba jouk a péché-la é anba jouk a lanmò ankò anponjan (Wom 8:21).

On séri imaj : Sé moun-la ka transfòwmé latè pou i vin on paradi. 1) Yo ka woté tout sé débri-la. 2) Yo ka konstwi kaz é dé ti pon pou moun pasé. 3) Yo ka okipé-yo dè sé jaden-la.

Ka nouchak dwèt fè pou nou bénéfisyé dè libèté-la Jéova ka pwomèt-nou la ?