Sa vi a Samiyèl ka aprann-nou

Samiyèl rété fidèl a Jéova tout vi a-y. Lè i té timoun, i rèfizé vin kon gason a Éli, Òfni é Finéas, ki té ka fè sa ki mové (1S 2:22-26). Toupannan Samiyèl té ka grandi, Jéova rété èvè-y (1S 3:19). Lè i pran on laj, i kontinyé sèvi Jéova fidèlman, menmsi gason a-y pa té ka fè menm biten (1S 8:1-5).

Ka ègzanp a Samiyèl pé aprann-nou ? Si ou sé on jenn, ou pé sèten kè Jéova ka konprann difikilté ou ka jwenn é sa ou ka rèsanti. I pé édé-w ni kouraj (Iz 41:10, 13). Si ou sé on paran é kè timoun a-w pa’a sèvi Jéova ankò, sa pé konsolé-w dè sonjé kè Samiyèl pa té pé fòsé gason a-y ki té ja granmoun a rété fidèl a prensip a Jéova. Toupannan i té ka lésé tout biten an men a Jéova, limenm a-y kontinyé rété fidèl a san pou san é i fè Pap’a-y ki an syèl-la plézi. Pétèt kè bèl ègzanp a-w ké ba timoun a-w anvi viré owa Jéova.

GADÉ VIDÉO-LA QUE NOUS APPRENNENT-IL ? : SAMUEL, APRÉSA RÉPONN A SÉ KÈSYON-LASA :

• 

  Kijan Samiyèl montré i té ni kouraj lè i té timoun ?

• 

  Kijan Danny montré i té ni kouraj ?

• 

  Ki bèl ègzanp Samiyèl lésé lè i té ni on bèl laj ?

• 

  Ki bèl ègzanp paran a Danny ba-y ?