Ou pé touvé sajès asi jw.org

Pawòl a Bondyé ka ban-nou ‘tousa nou bizwen’ pou fasadé èvè éprèv nou ka jwenn adan sé « dènyé jou » difisil lasa (2Tm 3:1, 16, 17). Men délè, nou pé bizwen yo édé-nou touvé ki diféran prensip biblik ki lyanné èvè on sitiyasyon byen prési. Pa ègzanp, ès ou sé on paran ki ka chèché konsèy pou lévé timoun a-w ? Ès ou sé on jenn é fwa a-w ka jwenn éprèv ? Ès ou pèd madanm a-w oben mari a-w ? Ou ké jwenn enfòwmasyon asi jw.org ki ké pèwmèt-vou touvé ki prensip biblik byen prési ki pé édé-w adan sé sitiyasyon-lasa é onlo dòt ankò (Pw 2:3-6).

Asi prèmyé paj a jw.org, pijé asi LA BIBLE ET VOUS (gadé 1^é imaj-la). Adan lis-la ki ka parèt la, pijé asi katégori-la ou vlé la. Oben pijé asi BIBLIOTHÈQUE > RUBRIQUES é katégori-la ou vlé la (gadé 2^èm imaj-la). Ou pé touvé sé menm katégori-la adan JW Library^®a. Pétèt ou ké kontan gadé tou senplèman sé awtik-la ki adan chak sé koté-la nou sòti palé la. Ou pé osi chèché on biten byen prési koté-la pou fè rèchèch la asi jw.org.

Maké sé tèm-la ki ka vin apré la koté-la pou fè rèchèch la, é aprésa maké sé awtik-la ou té’é vlé li la :

• L’éducation des enfants

• La dépression chez les jeunes

• La perte de son conjoint