Ti konsèy a mwa-lasa

Zouti pou anségné sé timoun-la

Sé paran-la ni on rèsponsabilité ki enpòwtan toubònman ; fò-yo aprann timoun a yo konnèt Jéova (Éféz. 6:4). Pou édé-yo, òwganizasyon a Jéova pibliyé onpakèt awtik, vidéo, chanson é dòt biten ankò. Sé paran-la, kijan zò pé sèvi èvè tousa pou anségné timoun a zòt ?

• Gadé pou vwè sa ki disponib. Asi jw.org é asi JW Library, nou ka touvé sèwten vidéo é sèwten awtik ki fèt pou sé timoun-la é pou sé jenn-laa. Pou touvé sa asi jw.org, maké « timoun » oben « jennmoun » koté-la ki fèt pou fè rèchèch la.

• Chwazi sa ki ké itil pou timoun a-w. Pawmi sé biten-la ou ké touvé adan ribrik « Timoun » la, chwazi sé vidéo-la ou ka pansé ki ké édé timoun a-w. Pou touvé sé vidéo-la é dòt biten pou sé timoun-la asi jw.org an fransé, ou pé maké « Activités pour le culte familial » koté-la ki fèt pou fè rèchèch la.

• Lè ou ka fè sa, fò ou pasé tibwen tan èvè timoun a-w. Òbjèktif-la a pa ba timoun-la on biten a fè toupannan ou ka fè ondòt biten. Sèvi èvè sé vidéo-la é sélézòt biten-la ki asi sit an nou pou fè on ti kozé èvè timoun-la é pou édé-y vin pibon zanmi èvè Jéova.