TRÉZÒ KI AN PAWÒL A BONDYÉ

Chwazi moun-la ou ké mayé èvè-y la èvè sajès

Salomon manké sajès toubònman lè i mayé èvè madanm ki té ka adoré fo-dyé (1Wa 11:1, 2 ; w18.07-F 18 § 7).

Madanm a Salomon détenn asi-y, kifè piti-a-piti i lagé Jéova (1Wa 11:3-6 ; w19.01 15 § 6).

Jéova fè kòlè èvè Salomon (1Wa 11:9, 10 ; w18.07-F 19 § 9).

On séri imaj : On sè sélibatè ka étidyé Labib tousèl a-y toupannan i ka sonjé on frè sélibatè. 1) Frè-la ka bay on komantè adan on réinyon a lasanblé-la. 2) I ka fè prézantwa. 3) I ka bay on pal pou antrètyenn sal di Wayòm la.

Pawòl a Bondyé ka konséyé sé krétyen sélibatè la dè mayé « sèlman si sé èvè on disip a Ségnè-la » (1Ko 7:39). Sèlman, a pa paskè on moun batizé kè savédi kè sé moun-la ki fo-w la. Ès moun-lasa ké édé-w kontinyé sèvi Jéova èvè tout nanm a-w ? Ès i ka montré toulongalé kè i enmé Jéova èvè tout tchè a-y ? Avan ou désidé mayé èvè on moun, pran tan a-w pou ou byen konnèt-li.