Ès ou ka sèvi èvè vèwsyon odyo a Bib-la ?

Vèwsyon odyo a Bib-la, ka sa yé ojis ? Vèwsyon odyo a Bib-la sé on anrèjistrèman odyo a dènyé vèwsyon a Traduction du monde nouveau la. Yo ka pibliyé-y piti-a-piti adan toujou plis lang. On biten ki bèl toubònman adan vèwsyon odyo a Bib-la, sé kè yo ka itilizé on vwa ki diféran pou chak pèwsonaj a Labib. Sé lèktè-la ka li èvè ton-la é santiman-la ki fo la pou transmèt mésaj a Labib on mannyè ki ègzak.

Ki byenfé vèwsyon odyo a Bib-la ka pòté ? Onlo adan séla ki ni labitid kouté vèwsyon odyo a Bib-la enmé jan i ka rann Pawòl a Bondyé pi vivan. Grasa sé diféran vwa-la, yo ka rivé rèprézanté-yo sé évènman-la plibyen é konprann pli fasilman sa ki maké (Pw 4:5). Onlo moun ka di osi kè lè yo ka santi-yo angwasé, sa ka trankilizé-yo dè kouté vèwsyon odyo a Bib-la (Sòm 94:19).

Lèwvwè nou ka tann yo ka li Pawòl a Bondyé byen ho, sa pé aji fò toubònman asi vi an nou (2Kr 34:19-21). Si vèwsyon odyo a Bib-la disponib an pawti oben an antyé adan on lang ou ka konprann, ès ou té’é pé pran labitid kouté-y adan vi a touléjou a-w ?

GADÉ VIDÉO-LA YO KA PWODUI VÈWSYON ODYO A BIB-LA (MÒSO), APRÉSA RÉPONN A KÈSYON-LASA :

Ka ki ka fè-w rété èstèbèkwè lè ou ka vwè jan yo ka pwodui vèwsyon odyo a Bib-la ?