Déotwa biten ou pé fè pou li bib a-w touléjou

Èvè tousa ou ni a fè adan on jouné, ès ou ni dimal a li bib a-w touléjou ? (Joz. 1:8). Si sé sa, mi déotwa biten ou pé fè :

• Fè on biten pou sonjé sa touléjou. Mèt on alawm asi téléfòn a-w oben tablèt a-w pou-w sonjé li Bib-la.

• Mèt bib a-w on koté ou pé vwè-y. Si ou ka li bib a-w adan on bib-papyé, mété-y on koté ou pé vwè-y fasilman (Dét. 11:18).

• Kouté sé odyo-la. Kouté sé odyo-la toupannan ou ka fè ti zafè a-w. Tara, sé on sè ki pyonyé. I ni timoun é i ka travay lannuit. Mi sa i ka di : « Konm an ka kouté sé odyo-la, sa ka édé-mwen li Bib-la touléjou. »

• Pa lagé. Siwvwè zafè a-w mélé é kè ou pa ni tan li Bib-la kon ou té prévwa, li déotwa vèwsé avan ou ay dòmi. Menmsi ou pa’a li onlo vèwsé touléjou, sa pé fè-w dibyen toubònman (1 Pyè 2:2).